ფოთში, ფალიაშვილის ქუჩაზე საგზაო ინფრასტრუქტურა სრულად რეაბილიტირდა. ამის შესახებ ინფორმაციას ფოთის მერია ავრცელებს.

მერიის ინფორმაციის თანახმად, პროექტის ფარგლებში, ასფალტო-ბეტონის საფარის სამი ფენა დაიგო, მოეწყო ტროტუარები, მიერთებები, სანიაღვრე არხები და გადასასვლელი ხიდ-ბოგირები, დამონტაჟდა საგზაო ნიშნები და მოინიშნა გზა.

„დასრულებული სამუშაოები ფოთის მერმა, ბექა ვაჭარაძემ ინფრასტრუქტურის სამსახურის უფროსთან, გიორგი თოლორდავასთან ერთად დაათვალიერა. ქალაქის მერი ადგილობრივ მოსახლეობასაც შეხვდა, მათ ქალაქში მიმდინარე პროექტები გააცნო და მათი საჭიროებები მოისმინა.

ფალიაშვილის ქუჩაზე გზის რეაბილიტაცია საქართველოს საავტომობილო გზების დეპარტამენტის დაფინანსებით ჩატარდა“, - ნათქვამია ინფორმაციაში.