დაბა ბაკურიანში, სანიტარიული ჭრების ფარგლებში, დაავადებული, გამხმარი ხეებისა და ხის ტოტების ჭრა მიმდინარეობს. ამის შესახებ ინფორმაციას ბაკურიანის განვითარების სააგენტო ავრცელებს.

სააგენტოს ცნობით, დაავადებული, გამხმარი ხეები და ხის ტოტები სატყეო სააგენტოს მიმდებარე ტერიტორიასა და კობა წაქაძის ქუჩაზე მოიჭრა.

„დასუფთავების სამსახურის ხელმძღვანელის განმარტებით, სანიტარიული ჭრა ხე-მცენარეთა დაავადებების გავრცელებისა და ჯანსაღი ხეების დაზიანების საპრევენციოდ ხორციელდება. მისივე თქმით, ბაკურიანის განვითარების სააგენტო დაავადებული ხეების ნაცვლად, ახალ ნერგებს დარგავს“,- აღნიშნულია ინფორმაციაში.