ჩაქვში, სასტუმრო „ოაზისში“, რომლის აუზზე 5 წლამდე ბავშვი დაიხრჩო, პოლიცია მუშაობს. ფაქტის შესწავლის შემდეგ გახდება ცნობილი, რა მუხლით დაიწყებს უწყება მომხდარ ფაქტზე გამოძიებას.

თავად „ოაზისში“ კომენტარი ჯერჯერობით არ კეთდება. ცნობილია მხოლოდ ის, რომ ბავშვი ქართველია.

“გარდაცვლილი 5 წლის ბიჭია. დედასთან ერთად ისვენებდა. როგორც ამბობენ, დიდებისთვის განკუთვნილ აუზში ბანაობდა. აუზზე სხვა დამსვენებლებიც იყვნენ, მაგრამ დახრჩობის მომენტი არავის დაუნახავს. როგორც ყვებიან, აზრად არ მოსვლიათ, თუ ბავშვი იხრჩობოდა. ამბობენ, რომ დედა-შვილი ქუთაისიდან იყო ჩამოსული“, - განუცხადა “ინტერპრესნიუსს” ერთ-ერთმა ადგილობრივებმა.

ჩაქვში მდებარე სასტუმრო „ოაზისის“ აუზში 5 წლამდე ბიჭის დახრჩობის შესახებ ინფორმაცია ცოტა ხნის წინ გახდა ცნობილი.