მიხეილ სარჯველაძე „ნაციონალურ მოძრაობასა“ და „სტრატეგია აღმაშენებელზე“ - არანჟირების შეცვლით შინაარსი და მელოდია არ იცვლება
არანჟირების შეცვლით შინაარსი და მელოდია არ იცვლება, - ასე ეხმიანება ადამიანის უფლებათა კომიტეტის თავმჯდომარე მიხეილ სარჯველაძე „ნაციონალური მოძრაობისა“ და „სტრატეგია აღმაშენებლის“ გაერთიანებას.
სარჯველაძის განცხადებით, ეს პარტიები ხვდებიან, რომ "ამ დრომდე საზოგადოებას რასაც სთავაზობდნენ, იყო ფუჭი და უვარგისი".
„რაკი საუბრობენ თვითონ ახალ ენერგიაზე, ახალ ძალაზე, ესე იგი ხვდებიან, რომ ამ დრომდე საზოგადოებას რასაც სთავაზობდნენ, ეს ყველაფერი იყო ფუჭი, უვარგისი და ის, რის გამოც ისინი მიემართებოდნენ დაღმართში. ხვდებიან, რომ აქამდე საზოგადოებისთვის შეთავაზებული მთელი მათი პოლიტიკა იყო არასწორი, შეცდომებით გადაპენტილი, ხვდებიან მათ სჭირდებათ რაღაცის შეცვლა. ოღონდ საზოგადოება კარგად ხვდება, რომ ასეთი ხმამაღალი განცხადებებით, არანჟირების შეცვლით შინაარსი და მელოდია არ იცვლება. შესაბამისად, შესათავაზებელი თუ რაიმე აქვთ, როცა თვითონვე აღიარებენ, რომ მცდარ გზას ადგნენ, ამაზე უნდა ესაუბრონ საზოგადოებას და ამისთვის სჭირდებათ შინაარსობრივი საუბარი და არა ცალკეული ლოზუნგების გამოყენება", - განაცხადა სარჯველაძემ.
