ევროკავშირის განცხადებით, რუსეთის ფედერაციის წინააღმდეგ დაწესებული სანქციები კიდევ 6 თვით გახანგრძლივდა.
განცხადებაში აღნიშნულია, რომ სანქციების მოქმედების გაგრძელების შესახებ გადაწყვეტილება უკრაინის წინააღმდეგ რუსეთის ფედერაციის აგრესიის გაგრძელებასთან არის დაკავშირებული.
„სანქციები პირველად 2014 წელს შემოვიღეთ უკრაინაში ვითარების დესტაბილიზაციისკენ რუსული მხარის მიერ განხორციელებული ქმედებების საპასუხოდ. 2022 წლიდან უკრაინის წინააღმდეგ დაწყებული სამხედრო აგრესიის პასუხად სანქციები გავახანგრძლივეთ და ამას გავაგრძელებთ“, - ნათქვამია ევროკავშირის საბჭოს განცხადებაში.
