ბათუმში მოქალაქეთა ჯგუფი აქციას მართავს და საცხოვრებლით დაკმაყოფილებას ითხოვს
აჭარის მთავრობის სახლთან მოქალაქეები საპროტესტო აქციას მართავენ. აქციის მონაწილეები მთავრობას დახმარებას სთხოვენ.
შეკრებილების თქმით, აქციის მონაწილეებს ე.წ ოცნების ქალაქის მცხოვრებთა ნაწილი შეუერთდა, გარდა, ამისა, თავშესაფარს მიტოვებულ შენობებში უკანონოდ შესახლებული პირებიც ითხოვენ.
აქციის მონაწილეები ამბობენ, რომ საცხოვრებლით დაკმაყოფილების მოთხოვნით, ბათუმის მერიას არაერთხელ მიმართეს, თუმცა უშედეგოდ.
აქციის მონაწილეებს აჭარის მთავრობის წარმომადგენელი კახა შაშიკაძე შეხვდა.
მან მოქალაქეებს განუცხადა, რომ მოქალაქეებისგან შემდგარ საინიციატივო ჯგუფის წევრებს მთავრობის ადმინისტრაციაში უახლოეს დღეებში შეხვდებიან და მოქალაქეთა მოთხოვნებს ადგილზე განიხილავენ.
