თბილისი-სენაკი-ლესელიძის საავტომობილო მაგისტრალის გორის მონაკვეთზე მომხდარი ავტოსაგზაო შემთხვევის შედეგად 63 წლის ქალი დაშავდა.

სასწრაფო დახმარების ჯგუფმა დაშავებული თავდაცვის სამინისტროს სამხედრო ჰოსპიტალში გადაიყვანა.

ჰოსპიტლის გადაუდებელი დახმარების განყოფილების უფროსის იგორ გეორგიანის ინფორმაციით, კლინიკაში შეყვანისას პაციენტს აღენიშნებოდა ღია ჭრილობა თავის არეში, ჩაუტარდა ყველა საჭირო კვლევა, გაეწია შესაბამისი სამედიცინო დახმარება და მისი ჯანმრთელობის მდგომარეობა სტაბილურია, პაციენტი ამბულატორიულად გაეწერება კლინიკიდან.

შემთხვევა ავტობანზე ცოტა ხნის წინ მოხდა, ერთმანეთს ორი სატრანსპორტო საშუალება შეეჯახა.

როგორც ,,ინტერპრესნიუსს“ შინაგან საქმეთა სამინისტროში განუცხადეს, მომხდარ ფაქტზე გამოძიება დაწყებულია საქართველოს სისხლის სამართლის კოდექსის 276-ე მუხლით.