ირაკლი ზარქუა - "ხაბე" კი მიყვარს, მაგრამ როგორ უნდა დანიშნო გაერთიანების ხელმძღვანელად? ამიტომ მიიყვანეს ვაშაძე, რომელიც უკეთესად არის შეფუთული ევროპულობით, თუმცა სინამდვილეში ერთი შარლატანია
"ხაბე" როგორ უნდა დანიშნო გაერთიანების ხელმძღვანელად? ამიტომ მიიყვანეს ვაშაძე, რომელიც უკეთესად არის შეფუთული ამ ევროპულობით. სინამდვილეში ერთი შარლატანია, - ამის შესახებ საპარლამენტო უმრავლესობის წევრმა ირაკლი ზარქუამ განაცხადა, რითაც "სტრატეგია აღმაშენებლის" და "ნაციონალური მოძრაობის" გაერთიანებას გამოეხმაურა.
"კი მიყვარს ეს "ხაბე", მაგრამ ნუ "ხაბეა" რა, ოპოზიციური გაერთიანების ხელმძღვანელად როგორ უნდა დანიშნო? მიიყვანეს მეორე, რომელიც უკეთესად არის შეფუთული ამ ევროპულობით. სინამდვილეში ერთი შარლატანია ბატონი ვაშაძე, რომელიც ცრუპენტელა პოპულისტია. 4 კაცით შემოვიდა პარლამენტში და ბოლოს ეს და მანჯგალაძე შემორჩნენ ერთმანეთს. მანჯგალაძეც, ეტყობა, მსხვერპლად, თუ არ ვიცი, ტყვედ ჰყავს აყვანილი. ყველა გაექცა და რა უნდა ქნას? ისევ პოპულისტურად ირბენენ. ჩემი "ხაბე" ისევ პირად კონტროლზე აიყვანს სტიქიას, ეს კიდევ უკრაინასთან, იქიდან "ფორტოჩკებიდან" ჩაერთვება, "ლაივები" ექნება, გვეტყვის, რომ "ჩვენ ვიგებთ, ბრძოლის ველზე ვართ" და რაღაცა, ნუ "ჭიჭე ვაშაძეა" რა. ეს გაერთიანება ან მივა ან არა ბოლომდე. ვწუხვარ, რომ ქართულ პოლიტიკაში ძირითადი ოპოზიცია ამათ ჰქვიათ," - განაცხადა ზარქუამ.
v-if="article.gallery" v-html="article.gallery"
