დაბა ბაკურიანში მთავრობის ადმინისტრაციის ორგანიზებით "მუსიკალური საღამო" გაიმართა. ინფორმაციას

ბაკურიანის განვითარების სააგენტო ავრცელებს.

მათი ინფორმაციით, ამირანის პარკში მოსულ სტუმრებს ადგილზე მოწყობილი სხვადასხვა გასართობი და შემეცნებითი სივრცე და ფოტოზონები დახვდა.

„თითების თეატრი 2 სპექტაკლით წარსდგა მაყურებლის წინაშე. ბავშვების განწყობაზე ზღაპრის გმირებმა და მასკოტებმა იზრუნეს.

საღამო ცნობილი ქართველი შემსრულებლების გალა კონცერტით დასრულდა. მსმენელის წინაშე მირზა მოდებაძე, ნინი ქარსელაძე, ზუკა ხუციშვილი და ბენდი, თიკა ჯამბურია და დათუნა მგელაძე წარდგნენ“, - აღნიშნულია ინფორმაციაში.