ბათუმის პორტში მიმდინარე აქციის მონაწილეების ინფორმაციით, სამართალდამცავებმა 10-მდე პირი დააკავეს. ბათუმის პორტში, სადაც მოქალაქეები სოჭიდან წამოსული საკრუიზო ლაინერის "ასტორია გრანდეს" შემოსვლას აპროტესტებენ, აქციის მონაწილეებსა და სამართალდამცავებს შორის რამდენჯერმე მოხდა დაპირისპირება.

ბათუმის პორტში სოჭიდან წამოსულ საკრუიზო ლაინერ "ასტორია გრანდეს" საპროტესტო აქციით დახვდნენ. პორტთან აქციას მართავენ რიგითი მოქალაქეები და ოპოზიციური პარტიების წარმომადგენლები.

მოქალაქეებმა შეკრება გვიან ღამით დაიწყეს. ადგილზე დიდი რაოდენობით პოლიციელია მობილიზებული. მოწყობილია რკინის ჯებირები.