რთულია ადგილამდე მისვლა, რადგან ხიდია წაღებული. შემთხვევის ადგილზე გამოძახებულია და ალბათ, წუთი-წუთზე იქნება სასაზღვრო პოლიციის ორი ვერტმფრენი, - ამის შესახებ ონის მერმა სერგი ხიდეშელმა განაცხადა.

მისი თქმით, გამორიცხულია წინასწარ განსაზღვრო სტიქია როდის მოხდება.

„სავარაუდოდ, მთებში დაგუბდა მდინარეები: გომბურა და ჭანჭახი, რის შედეგად განვითარდა მეწყრული პროცესი, ჩამოიშალა მიწის და ტყის ძალიან დიდი მასა. ადგილზე მობილიზებულები არიან შესაბამისი სამსახურები. მეც მივემართები ადგილზე. ფიზიკურად რთულია ადგილამდე მისვლა, რადგან ხიდია წაღებული. შემთხვევის ადგილზე გამოძახებულია და ალბათ, წუთი-წუთზე იქნება სასაზღვრო პოლიციის ორი ვერტმფრენი. დაშავებულების შესახებ დაზუსტებულ ინფორმაციას ამ წუთებში არ ვფლობთ. ფეხით გადავდივართ.

მთიანი რეგიონია და შესაბამისად, მთიან რეგიონში გამორიცხული არ არის, მთაზე (მდინარის) დაგუბებას ვერ გავთვლით, ფიზიკურად შეუძლებელია. გამორიცხულია წინასწარ განსაზღვრო სტიქია როდის მოხდება“, - განაცხადა ონის მერმა „ფორმულასთან“.