შსს-ს საგანგებო სიტუაციების მართვის სამსახურის უფროსის, თეიმურაზ მღებრიშვილის განცხადებით, შოვში, სამაშველო ღონისძიება მთელი ღამის განმავლობაში გაგრძელდება.
მღებრიშვილის თქმით, სტიქიის ზონაში, ამ დროისთვის დაშავებულებზე ინფორმაცია არ შემოსულა.
„ამ დროისთვის, მაშველებთან ერთად უსაფრთხო ადგილას შეკრებილია დაახლოებით 70-80 ადამიანი. მთელი ღამის განმავლობაში გაგრძელდება სამაშველო ღონისძიება. შესაბამისი აღჭურვილობით მობილიზებულია როგორც განათების საშუალება, ასევე სხვა საჭირო სპეციალური აღჭურვილობა, რაც შეიძლება დასჭირდეთ მეხანძრე-მაშველებს“,- განაცხადა მღებრიშვილმა.