რაჭაში, სტიქიის ზონაში 9 რეისი შესრულდა და 140 მოქალაქე უსაფრთხო ადგილას იმყოფება. ამის შესახებ ინფორმაციას შინაგან საქმეთა სამინისტროს პრესსამსახური ავრცელებს.

შოვში, სტიქიის ზონიდან ორი ვერტმფრენის საშუალებით მოქალაქეების ევაკუაციის პროცესი დილიდან განახლდა. რაჭაში პრემიერ-მინისტრი ირაკლი ღარიბაშვილი გაემგზავრა, რომელიც არსებულ ვითარებას ადგილზე გაეცნობა.

შოვში, მეწყერი 3 აგვისტოს ჩამოწვა. ბოლო ოფიციალური ინფორმაციით, მეწყერს 2 ადამიანი ემსხვერპლა.