ძლიერმა ქარმა და წვიმამ გურჯაანის მუნიციპალიტეტში პრობლემები შექმნა. უამინდობა რამდენიმე წუთი გაგრძელდა, რამაც ქალაქში, ცხრა აპრილის ქუჩაზე ხუთ კორპუსს სახურავი გადახადა. ასევე, სხვადასხვა სოფელში დაზიანებულია 40 - მდე საცხოვრებელი სახლის სახურავი და მოგლეჯილია მრავალწლოვანი ხეები.
ადგილობრივ მერიაში აცხადებენ, რომ სტიქიის შედეგად დაზიანდა გაზსადენი მილი და ელექტროგადამცემი ხაზებიც, რამაც აბონენტების ნაწილი ელექტროენერგიის და ბუნებრივი აირის გარეშე დატოვა.
სტიქიის ზონაში სამაშველო სამსახური მუშაობს.
