შოვში სტიქიას გადარჩენილი მოქალაქე - 2 საათი გავატარეთ ნახევრად ჩაფლულებმა მეწყერში - ჩვენ თვალწინ სამი ადამიანი წაიღო ღვარცოფმა, იმედი მაქვს, ცოცხლებს იპოვიან

გადავრჩით სასწაულებრივად. 2 საათი გავატარეთ ნახევრად ჩაფლულებმა მეწყერში, - ამის შესახებ რაჭაში, სტიქიის ზონაში მოყოლილი ერთ-ერთი მოქალაქე მარიამ ბერიანიძე სოციალურ ქსელში წერს.

ის ონის საავადმყოფოს პერსონალსა და ადგილობრივებს გადარჩენისთვის მადლობას უხდის.

„გადავრჩით სასწაულებრივად. ჯოჯოხეთური 4 საათი გამოვიარეთ, რომლის აღსაწერად სიტყვები არ მეყოფა. 2 საათი გავატარეთ ნახევრად ჩაფლულებმა მეწყერში. ჩვენ თვალწინ სამი ადამიანი წაიღო ღვარცოფმა და იმედი მაქვს, ცოცხლებს იპოვიან“, - წერს მარიამ ბერიანიძე.

ცნობისთვის, შოვში, მეწყერი 3 აგვისტოს ჩამოწვა. სტიქიის ზონიდან, ამ დროისთვის, 210 ადამიანია გამოყვანილი, მაშველებმა კი 6 ადამიანის ცხედარი იპოვეს.