„ნიკორა ჯგუფი“ შოვის სტიქიის ზონაში მყოფების საკვები პროდუქტებით მომარაგების სრულ მზაობას აცხადებს.

„მწუხარებას გამოვთქვამთ შოვში მომხდარი სტიქიით გამოწვეული უმძიმესი ტრაგედიის გამო. უპირველეს ყოვლისა, სამძიმარს ვუცხადებთ სტიქიის შედეგად დაღუპულთა ოჯახებსა და ახლობლებს. „ნიკორა ჯგუფში“ შემავალი თითოეული კომპანიის სახელით მადლობას ვუხდით სამძებრო-სამაშველო სამუშაოებში ჩართულ ყველა პირს.

სრულ მზაობას ვაცხადებთ სტიქიის ზონაში მყოფების დახმარებაზე. მათი საჭიროებების გათვალისწინებით, მზად ვართ შოვში საკვებ პროდუქტებთან დაკავშირებული ნებისმიერი სახის მხარდაჭერა გამოვხატოთ და ვუზრუნველყოთ ადგილზე მიწოდება,“ - ნათქვამია განცხადებაში.