თორნიკე რიჟვაძე - დღეს პატივს მივაგებთ გმირებს, რომლებმაც საკუთარი სიცოცხლე გაწირეს ჩვენი სამშობლოს თავისუფლებისთვის, მისი დამოუკიდებლობისთვის, ქედს ვიხრი მათი გმირობის, მათი ოჯახების წინაშე

2008 წლის აგვისტოს რუსეთ-საქართველოს ომში დაღუპულთა ხსოვნის პატივსაცემად აჭარის მთავრობის თავმჯდომარემ თორნიკე რიჟვაძემ, ბათუმში, 8 აგვისტოს გმირთა მემორიალი ყვავილებით შეამკო.

მისი თქმით, ხელისუფლება ყველაფერს გააკეთებს იმისთვის, რომ მომავალში თავიდან იქნას არიდებული ასეთი ტრაგედიები.

„დღეს ერთ-ერთი უმძიმესი დღეა საქართველოს უახლეს ისტორიაში. პატივს მივაგებთ გმირებს, რომლებმაც საკუთარი სიცოცხლე გაწირეს ჩვენი სამშობლოს თავისუფლებისთვის, მისი დამოუკიდებლობისთვის. ქედს ვიხრი მათი გმირობის წინაშე, მათი ოჯახების წინაშე. ჩვენ ყველაფერს გავაკეთებთ, რომ მომავალში თავიდან იქნას არიდებული ასეთი ტრაგედიები და მშვიდობიანი, პრაგმატული პოლიტიკით შევძლოთ ჩვენი ქვეყნის გაერთიანება“, - განაცხადა თორნიკე რიჟვაძემ.

აჭარის მთავრობის თავმჯდომარემ ასევე, პატივი მიაგო ქობულეთში, სოფელ ცეცლაურში აგვისტოს ომში დაღუპულ გმირებს და მემორიალი ყვავილებით შეამკო.

აგვისტოს ომის მე-15 წლისთავთან დაკავშირებით, სახელმწიფო დროშები მთელი ქვეყნის მასშტაბით დაეშვა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს