შალვა პაპუაშვილი - 2008 წელი ყველას გვახსოვს, რამდენად მოშლილი იყო მართვა, სამოქალაქო პირები ჩართული იყვნენ სამხედრო გადაწყვეტილებების მიღებაში - კოდორის ხეობა უბრძოლველად იქნა დათმობილი

მიუხედავად იმისა, თუ ვის რა პროფესია და თანამდებობა აქვს დღეს, ყველა ვართ ამ ქვეყნის მოქალაქეები და 2008 წელი ყველას გვახსოვს. გვახსოვს, რამდენად მოშლილი იყო მართვა, სამოქალაქო პირები ჩართული იყვნენ სამხედრო გადაწყვეტილებების მიღებაში, - ამის შესახებ პარლამენტის თავმჯდომარემ, შალვა პაპუაშვილმა განაცხადა, რითაც ვიცე-პოლკოვნიკი ირაკლი ქურასბედიანის განცხადებას გამოეხმაურა, სადაც ის აღნიშნავს, რომ 2008 წლის აგვისტოს ომის ბოლო დღეებში ჩვენთან მართვა და კონტროლი მოშლილი იყო.

მისივე თქმით, კოდორის ხეობა უბრძოლველად იქნა დათმობილი.

„მიუხედავად იმისა, თუ ვის რა პროფესია და თანამდებობა აქვს დღეს, ყველა ვართ ამ ქვეყნის მოქალაქეები და 2008 წელი ყველას გვახსოვს. გვახსოვს, რამდენად მოშლილი იყო მართვა, სამოქალაქო პირები ჩართული იყვნენ სამხედრო გადაწყვეტილებების მიღებაში.

გვახსოვს ის დამოკიდებულება, რომელიც მაშინ ხელისუფლებას ჰქონდა პროცესების მიმართ. გვახსოვს, რომ კოდორის ხეობა უბრძოლველად იქნა დათმობილი.

თავისთავად ძალიან მძიმე იყო იმ ხელისუფლების მიერ მიღებული სხვადასხვა გადაწყვეტილება, რომელიც არ იყო საქართველოსთვის სასიკეთო.

პერიოდულად ასეთი სახის ინფორმაციები ჩნდება და მნიშვნელოვანია, რომ ეს ინფორმაცია და ეს ცოდნა ჩვენმა საზოგადოებამ არ დაკარგოს, შესაბამისი ანალიზი გააკეთოს და მინიმუმ საკუთარი პოლიტიკური გადაწყვეტილებისთვის ასეთი დასკვნები გამოიტანოს“, - განაცხადა შალვა პაპუაშვილმა.

ცნობისთვის, ვიცე-პოლკოვნიკმა, ირაკლი ქურასბედიანმა, „რადიო თავისუფლებისთვის“ მიცემულ ინტერვიუში აღნიშნა, რომ რომ 2008 წლის აგვისტოს ომის ბოლო დღეებში ჩვენთან მართვა და კონტროლი მოშლილი იყო. მან კოდორის ხეობაზეც ისაუბრა და აღნიშნა, რომ კოდორის შესანარჩუნებლად ძალები საკმარისი იყო, მაგრამ მომზადება ვერ მოესწრო.

„ძალები, ცალკე აღებული კოდორისთვის შესანარჩუნებლად და არა მარტო კოდორისთვის, გეტყვით, რომ ის ძალები საკმარისი იყო, ასე ვთქვათ, სვანეთის შესანარჩუნებლად. მაგრამ საქმე ის იყო, რომ ვერ მოესწრო მომზადება... ხაიშსა და ზუგდიდს შორის [დამაკავშირებელი გზის გადაკეტვა]. ამ დროს ერთადერთი გზა არის და ძალიან მარტივად შეიძლებოდა ამის გაკეთება, მაგრამ ისევ და ისევ მართვა და კონტროლი ბოლო დღეებში საკმაოდ მოშლილი იყო“, - აღნიშნა ვიცე-პოლკოვნიკმა.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი