Microsoft-ი რუსეთში ოპერაციული სისტემების ლიცენზიებს აღარ გააგრძელებს
ტექნოლოგიურმა გიგანტმა Microsoft-მა თავის რუს მომხმარებლებს შეტყობინება გაუგზავნა, რომლის თანახმად, კომპანია Windows-ის ოპერაციული სისტემების ლიცენზიების გაგრძელებას წყვეტს.
მხარდაჭერის ბოლო ვადა 30 სექტემბერია.
რუსული მედიის ცნობით, გამოწერები ამ ვადის ამოწურვამდე დარჩება ძალაში, მაგრამ მათი გახანგრძლივება შეუძლებელი იქნება.
შეტყობინებაში, ასევე, აღნიშნულია, რომ Microsoft-ი რუსეთში ახალი პროდუქტების გაშვებას, სერვისების გაყიდვას და თავისი საქმიანობის ბევრ პაკეტს წყვეტს, რაც ევროკავშირის ქვეყნების, დიდი ბრიტანეთის და აშშ-ს მხრიდან რუსეთის წინააღმდეგ დაწესებული სანქციების შესაბამისად ხორციელდება.
მედიის ცნობით, ის ფაქტი, რომ Microsoft-ი რუსეთის კომპანიებს ლიცენზიებს აღარ გაუგრძელებს, ინფორმაციის უსაფრთხოების უზრუნველყოფისთვის საჭირო მნიშვნელოვანი განახლებების არარსებობას ნიშნავს. ამ ფონზე, რუსეთი უკვე განიხილავს ალტერნატიულ ოპერაციულ სისტემებზე გადასვლას, როგორებიც არის: Linux-ი ან macOS-ი.
შეგახსენებთ, რომ უკრაინაში ომის დაწყვებისთანავე Microsoft-მა რუსეთის ტერიტორიაზე სერვისების და საქონლის გაყიდვების დროებითი შეწყვეტის შესახებ გადაწყვეტილება მიიღო.
This is a modal window.
v-if="article.gallery" v-html="article.gallery"
