სურსათის ეროვნული სააგენტოს წარმომადგენელი - სტიქიის ზონაში არავითარი საშიშროება რაიმე ინფექციურ დაავადებასთან დაკავშირებით  არ გვაქვს

ლეშებს დეზინფექციები უტარდება - არავითარი საშიშროება რაიმე ინფექციურ დაავადებასთან არ გვაქვს, - ამის შესახებ სურსათის ეროვნული სააგენტოს წარმომადგენელმა გაბრიელ ჩიკვაიძემ შოვში განაცხადა.

მისივე თქმით, ხეობაში მხოლოდ და მხოლოდ ორი ლეშია ნაპოვნი.

„ყოველდღიურად მიმდინარეობს მდინარის და მდინარის ხეობის დათვალიერება. როგორც კი შევნიშნეთ დაცემული ცხოველის ლეში, იმ წამსვე რაიონის თვითმმართველობამ გამოყო შესაბამისი ტექნიკა და შევუდექით იმ ლეშების ამოღებას ხეობიდან. არ არის დიდი რაოდენობით, მხოლოდ და მხოლოდ ორი არის ნაპოვნი. ლეშებს დეზინფექციები უტარდება, არავითარი საშიშროება რაიმე ინფექციურ დაავადებასთან არ გვაქვს“, - განაცხადა ჩიკვაიძემ.