სტიქიით დაზარალებულთა დასახმარებლად PayBox-მა ტერმინალებში საქველმოქმედო ანგარიში დაამატა

PayBox-მა სწრაფი ჩარიცხვის ტერმინალებში, ქველმოქმედების მიზნით, საქართველოს წითელი ჯვრის საზოგადოების ანგარიში დაამატა, რომელიც რაჭაში სტიქიური უბედურების შედეგად დაზარალებულების დასახმარებლად შეიქმნა.

მოგეხსენებათ, 3 აგვისტოს, რაჭაში, შოვში, მთის მასივი დაიმეწყრა, რომელიც ღვარცოფის სახით ხეობაში ჩამოწვა. სტიქიის შედეგად დაზარალებულთა დასახმარებლად ადგილობრივი მოსახლეობა ჩაერთო, გააქტიურდა სამაშველო სამსახურიც. მოხერხდა მოსახლეობის საშიში ზონიდან ევაკუაცია თუმცა, სამწუხაროდ, არის მსხვერპლი.

"პირველ რიგში, სამძიმარს ვუცხადებთ გარდაცვლილთა ოჯახებს. გამუდმებით ვადევნებთ თვალს შოვში მომხდარი სტიქიური უბედურების შედეგად განვითარებულ მოვლენებს და გვსურს მცირედი წვლილი შევიტანოთ დაზარალებულთა დასახმარებლად.“ – აცხადებენ კომპანიაში.

სწრაფი ჩარიცხვის ტერმინალების საშუალებით, უკვე შეგიძლიათ მარტივად ჩაერთოთ ქველმოქმედებაში. საქართველოს წითელი ჯვრის საზოგადოების ანგარიშზე თანხის შეტანა ყოველგვარი საკომისიოს გარეშე, 10 000-მდე წერტილიდან არის შესაძლებელი; მთელი საქართველოს მასშტაბით - ნებისმიერი რეგიონიდან, სოფლიდან თუ ქალაქიდან ახლა უკვე შეგიძლიათ, PayBox-ის მეშვეობით თქვენი წვლილი შეიტანოთ დაზარალებულთა დასახმარებლად.

შემოსული თანხა, დაუყოვნებლივ და ყოველგვარი შეფერხების გარეშე, სრულად მოხმარდება სტიქიით დაზარალებულებს და მათ ოჯახებს.

საქართველოს მოსახლეობა ყოველთვის ერთსულოვანია მსგავსი სახის სტიქიური უბედურებისა თუ ძლიერი გასაჭირის დროს. შოვის ტრაგედია სრულიად საქართველოს მოსახლეობის ტრაგედიაა.

(R)

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია