ხობის მუნიციპალიტეტის სოფელ ქვალონში მომხდარი ავტოსაგზაო შემთხვევის შედეგად ორი პირი დაშავდა. ადგილობრივების ინფორმაციით, მაღალი სიჩქარით მოძრავი „ტოიოტა პრიუსი“ ტრაილერს დაეჯახა. შემთხვევის შედეგად, მსუბუქ ავტომობილში მყოფი ორი ქალი მრავლობითი მოტეხილობებით სასწრაფო-სამედიცინო დახმარების ბრიგადამ კლინიკაში გადაიყვანა. მედიკოსების თქმით, მათ სიცოცხლეს საფრთხე არ ემუქრება. თვითმხილველების ინფორმაციით, მანქანაში 7 წლის ბავშვიც იმყოფებოდა, თუმცა მას დაზიანებები არ მიუღია. შემთხვევის შედეგად მოძრაობა პარალიზებულია. ადგილზე მობილიზებულია საპატრულო პოლიცია.