მარტვილის მუნიციპალიტეტის სოფელ სალხინოში, ჭადრების ხეივნის მიმდებარედ, ველოსიპედით მოძრავ 15 წლის მოზარდს მანქანა დაეჯახა.

ადგილობრივების ინფორმაციით, მოზარდი ადგილზე გარდაიცვალა. შემთხვევა გუშინ საღამოს მოხდა.

შინაგან საქმეთა სამინისტროს ინფორმაციით, სამართალდამცველების მიერ დაკავებულია ავტომობილის მძღოლი.

გამოძიება სისხლის სამართლის კოდექსის 276-ე მუხლით მიმდინარეობს.