გორთან ახლოს, გორიჯვრის სალოცავის მიმდებარედ არსებულ მთის ფერდობზე ხანძარი გაჩნდა.

ცეცხლი ბუჩქნარს მოედო, შეინიშნება ძლიერი დაკვამლიანებაც.

ადგილზე შინაგან საქმეთა სამინისტროს საგანგებო სიტუაციების მართვის სამსახურის შიდა ქართლის სამმართველოს მეხანძრე-მაშველები იმყოფებიან.

შემთხვევის ადგილთან ახლოს სასაფლაო და სოფელ გორიჯვრის დასახლებული პუნქტი მდებარეობს.

როგორც ,,ინტერპრესნიუსს“ საგანგებო სიტუაციების სამსახურში განუცხადეს, ამ დროისთვის ხანძარი ლიკვიდირებულია და გავრცელების საფრთხე აღარ არსებობს.