სახალხო დამცველი ადიგენის მუნიციპალიტეტის სოფელ ჭელაში მცხოვრებ მუსლიმებს შეხვდა

საქართველოს სახალხო დამცველი სამცხე-ჯავახეთის მხარეში შეხვედრებს აგრძელებს. 2023 წლის 25 აგვისტოს ლევან იოსელიანი ადიგენის მუნიციპალიტეტის სოფელ ჭელაში მცხოვრებ მუსლიმებს შეხვდა და მათი პრობლემები მოისმინა.

ომბუდსმენის აპარატის ინფორმაციით, შეხვედრაზე ისაუბრეს რეგიონში არსებული მეჩეთებისა და სხვა საკულტო ნაგებობებისთვის ისტორიული ძეგლის სტატუსის მინიჭების, მათი რეგისტრაციისა და რესტავრაციის საკითხებზე.

მათივე ცნობით, აღინიშნა, რომ სამცხე-ჯავახეთში ჯამში 100 მეჩეთი დგას.

„ისაუბრეს ასევე, რელიგიური კონფესიების ადგილობრივი ბიუჯეტით დაფინანსების, დღესასწაულების აღნიშვნისა და ახალგაზრდა თაობის წინაშე მდგარი ხარისხიანი განათლების მიღების გამოწვევებზე. სახალხო დამცველმა ხაზი გაუსვა, რომ საქართველო არის სეკულარული სახელმწიფო, საუკუნეობრივი ტოლერანტული გამოცდილებითა და წარსულით. ამასთან, აღნიშნა რომ მისი აპარატის ერთ-ერთ პრიორიტეტს რელიგიური ნიშნით დისკრიმინაციის აღმოფხვრაზე მუშაობა წარმოადგენს“, - ნათქვამია გავრცელებულ ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს