ირაკლი ფავლენიშვილი - იმპიჩმენტის პროცესი კიდევ ერთხელ ადასტურებს, რომ „ქართული ოცნება“ ჩვენი ქვეყნის ევროპული ინტეგრაციის საბოტაჟს აგრძელებს ყველა ბერკეტის გამოყენებით

იმპიჩმენტის პროცესი კიდევ ერთხელ ადასტურებს, რომ “ქართული ოცნება“ ჩვენი ქვეყნის ევროპული ინტეგრაციის საბოტაჟს აგრძელებს ყველა ბერკეტის გამოყენებით. ასევე, მათ სურთ გადაფარონ ის პოლიტიკური დღის წესრიგი, რაც მათთვის სასიცოცხლო საფრთხის შემცველია - “ნაციონალური მოძრაობის” აქტიურობა, - ამის შესახებ “ერთიანი ნაციონალური მოძრაობის გენერალური მდივნის მოადგილემ, ირაკლი ფავლენიშვილმა განაცხადა, რითაც პრეზიდენტის წინააღმდეგ იმპიჩმენტის პროცედურის დაწყებას გამოეხმაურა.

მისივე თქმით, მმართველ გუნდს საკონსტიტუციო უმრავლესობა არ აქვს, რომ პრეზიდენტის იმპიჩმენტი განხორციელდეს.

“იმპიჩმენტის პროცესი კიდევ ერთხელ ადასტურებს, რომ “ქართული ოცნება“ ყველა ბერკეტის გამოყენებით ჩვენი ქვეყნის ევროპული ინტეგრაციის საბოტაჟს აგრძელებს, ასევე რაც ძალიან მნიშვნელოვანია, მათ სურთ გადაფარონ ის პოლიტიკური დღის წესრიგი, რაც მათთვის სასიცოცხლო საფრთხის შემცველია - “ნაციონალური მოძრაობის” აქტიურობა, ის რაც ხალხს აწუხებს.

შოვის ტრაგედიასთან დაკავშირებით მათი გულგრილობა, უმოქმედობა, მათ შორის ეს ყველაფერი უკავშირდება იმ სოციალურ პრობლემებს, რომლებზეც “ნაციონალური მოძრაობა” აკეთებს აქცენტს და კონკრეტული პროგრამები გვაქვს.

ზოგადად, ოპოზიციის სხვა აქტორების აქტიურობას უპირისპირებენ ამ ხელოვნურ თემებს, რომელსაც ისედაც ვერ განახორციელებენ, რადგან საკონსტიტუციო უმრავლესობა მათ არ აქვთ, რომ პრეზიდენტის იმპიჩმენტის პროცესი მოახდინონ“, - აღნიშნა ირაკლი ფავლენიშვილმა, რომლის კომენტარსაც პარტიის პრესსამსახური ავრცელებს.

ცნობისთვის, „ქართული ოცნება“ საქართველოს პრეზიდენტ სალომე ზურაბიშვილის მიმართ იმპიჩმენტის პროცედურას იწყებს. შესაბამისი განცხადება „ქართული ოცნების“ თავმჯდომარემ ირაკლი კობახიძემ რამდენიმე წუთის წინ, პრესკონფერენციაზე გააკეთა. კობახიძის განმარტებით, იმპიჩმენტის პროცედურა დაიწყება მიუხედავად იმისა, რომ მის აღსრულებას პარლამენტში ოპოზიციის მხარდაჭერაც სჭირდება.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი