გიორგი ვაშაძე - იმპიჩმენტის პროცედურა წამოწყებულია ერთადერთი რამის გამო: საქართველო ასცდეს ევროინტეგრაციის გზას - სალომე ზურაბიშვილის დამცველი თუ ოპოზიცია გახდებოდა, პირდაპირ გეტყვით, ძალიან რთულად წარმომედგინა

იმპიჩმენტის პროცედურა წამოწყებულია ერთადერთი რამის გამო - საქართველო ასცდეს ევროინტეგრაციის გზას. სალომე ზურაბიშვილის დამცველი თუ ოპოზიცია გახდებოდა, პირდაპირ გეტყვით, ძალიან რთულად წარმომედგინა, - ამის შესახებ ჟურნალისტებს „სტრატეგია აღმაშენებლის“ ლიდერმა გიორგი ვაშაძემ განუცხადა.

მისივე თქმით, ოპოზიცია, იმპიჩმენტის პროცედურაზე საუბრისას არა სალომე ზურაბიშვილს, არამედ საქართველოს ევროინტეგრაციის გზას იცავს.

„რაც არ უნდა მიზეზები ვეძიოთ, ჩვენ, ვისაც ჩვენი ქვეყანა გვიყვარს, ვისაც საქართველოში ევროინტეგრაცია უნდა, პრეზიდენტის იმპიჩმენტის მიზეზს ვერ ამოვხსნით. მთავარი საკითხი არის ის, რომ ეს ნაბიჯი ეწინააღმდეგება საქართველოს ევროინტეგრაციის გზას, ეს არის ცალსახა და ისე როგორც აქამდე არაერთი ნაბიჯი გადადგა „ქართულმა ოცნებამ“, რათა საქართველოს ევროინტეგრაციის საბოტაჟი მოეხდინა, ზუსტად იგივეა ეს. ეს არის პირდაპირი საბოტაჟი, რომ საქართველომ ვერ მიიღოს კანდიდატის სტატუსი, ასცდეს ევროინტეგრაციის გზას და პირისპირ დარჩეს რუსეთთან, ჩვენი სუვერენიტეტის ჩაბარება მოხდეს რუსეთისთვის. ეს არის მთელი შინაარსი პრეზიდენტის იმპიჩმენტის. დანარჩენი თვითონაც კარგად იციან, რომ იმპიჩმენტი არ გავა. თავიდანვე აღიარეს, რომ ეს პროცესი, რაც დაიწყეს, არის თავიდან ბოლომდე „ფეიკი“ და ეს ყველაფერი შეთხზულია ერთი რამის გამო, საბოტაჟი ევროკავშირში ინტეგრაციის, საბოტაჟი საქართველოს დასავლეთში ინტეგრაციის. იმპიჩმენტის პროცედურა წამოწყებულია ერთადერთი რამის გამო - საქართველო ასცდეს ევროინტეგრაციის გზას. სალომე ზურაბიშვილის დამცველი თუ ოპოზიცია გახდებოდა, პირდაპირ გეტყვით, ძალიან რთულად წარმომიდგენია. ამ შემთხვევაში, სალომე ზურაბიშვილს კი არ ვიცავთ, საქართველოს ევროინტეგრაციის გზას ვიცავთ“, - განაცხადა გიორგი ვაშაძემ.

ამასთან, ის ჟურნალისტებთან საუბრისას თბილისში მიმდინარე კონფერენციაზე (სახელწოდებით: „პუტინიზმის დამარცხება“) მმართველი პარტიის წარმომადგენლების არყოფნის ფაქტსაც გამოეხმაურა და აღნიშნა, რომ „ქართული ოცნება“ საკუთარ თავს არა დასავლეთთან, არამედ რუსეთთან ხედავს და ამიტომაც არ ესწრება ღონისძიებას.

„რატომ არ არის მმართველი პარტია აქ, იმიტომ, რომ ისინი საკუთარ თავს არ ხედავენ დასავლეთთან, ისინი საკუთარ თავს ხედავენ რუსეთთან. აქ ის ხალხია, ვინც საქართველოს ევროინტეგრაციას უჭერს მხარს და არა რუსეთთან ინტეგრაციას. შესაბამისად, სათქმელი არაფერი აქვთ ამ ადამიანებთან და ამიტომაც არ არიან და ამიტომაც უცხადებენ ბოიკოტს ყველა მსგავს პლატფორმას ქვეყნის შიგნით თუ ქვეყნის გარეთ. აბა, ხომ არ იტყვის „ქართული ოცნება“, რუსეთი მინდა და ამიტომ არ მივდივარ ამ კონფერენციაზეო. კრემლის მსურველები ამ კონფერენციაზე არ დადიან. დასავლეთში საქართველოს ინტეგრაციის მსურველები ამ კონფერენციაზე არიან. ყველა მეგობარი, ვინც კი გვეხმარება, იმყოფება აქ. ზახაროვა რომ იყოს საქართველოში ჩამოსული, დარწმუნებული ვარ, მიეგებებოდნენ, ტაშსაც დაუკრავდნენ და ბევრ შეხვედრასაც გაუმართავდნენ“, - განაცხადა ვაშაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)