თინა ბოკუჩავა - პრეზიდენტის იმპიჩმენტის პროცესი მნიშვნელოვანი თემების გადაფარვის, სალომე ზურაბიშვილის დასჯის და ქვეყნის ევროატლანტიკური მომავლის საბოტაჟირების მცდელობაა

პრეზიდენტის იმპიჩმენტის პროცესი არის მნიშვნელოვანი თემების გადაფარვის, პრეზიდენტის დასჯის და ჩვენი ქვეყნის ევროატლანტიკური მომავლის საბოტაჟირების მცდელობა,- ამის შესახებ ფრაქცია „ნაციონალური მოძრაობის“ თავმჯდომარე თინა ბოკუჩავამ ჟურნალისტებთან განაცხადა.

როგორც მან აღნიშნა, „ქართული ოცნების“ ბრალდებები, თითქოს პრეზიდენტი საჯაროდ აფიქსირებს პოზიციას, რომ ქვეყანა არ იმსახურებს სტატუსს დეზინფორმაციაა.

„მიუხედავად იმისა, რომ ბევრი განსხვავებები გვაქვს (ჩვენ და პრეზიდენტს) პოლიტიკაში, მიუხედავად იმისა, რომ მიმაჩნია, მისი უმთავრესი როლი არის მისი კონსტიტუციური ბერკეტის გამოყენება შეწყალების სახით პრეზიდენტ სააკაშვილის მიმართ, არაფერი მსგავსი (რომ საქართველო არ იმსახურებს კანდიდატის სტატუსს) პრეზიდენტს არ უთქვამს და ეს ბრალდება არის „რუსული ოცნების“ დეზინფორმაცია და ტყუილი. ჩვენი განსხვავებების მიუხედავად, კიდევ ერთხელ ვამბობ, თუ ვინმე სახელმწიფო ინსტიტუტებიდან რაიმეს აკეთებს საქართველოს ევროატლანტიკური მომავლის გადარჩენისთვის დემოკრატიულ ოპოზიციასთან, თავისუფალ მედიასთან, არასამთავრობო სექტორთან და რაც ყველაზე უმთავრესია, ქართველ ხალხთან ერთად, ეს არის სწორედ პრეზიდენტი ზურაბიშვილი და სწორედ ამისთვის ისჯება ის. იმპიჩმენტის პროცესი არაფერია მეტი, გარდა იმისა, რომ ეს არის მნიშვნელოვანი თემების გადაფარვის, პრეზიდენტის დასჯის და ჩვენი ქვეყნის ევროატლანტიკური მომავლის საბოტაჟირების მცდელობა. ხოლო ის, რომ რეკომენდაციები არ სრულდება ამას სალომე ზურაბიშვილი, ან თინა ბოკუჩავა კი არ ამბობს, ამას ამბობს ბრიუსელი, მათ შორის, ფორმალურადაც გვითხრეს ბოლო ანგარიშში, რომ 12-დან 9, ყველაზე ფუნდამენტური რეკომენდაცია, მათ შორის, რომელიც დეოლიგარქიზაციას ეხება და რომელზეც დაგვიმარცვლა ევროპამ, რომ ეს საქართველოში დებიძინიზაციას ნიშნავს, არ სრულდება. პირიქით, ყველაფერს აკეთებს „ოცნება“, რომ რეკომენდაციები არ შესრულდეს და საქართველომ არ მიიღოს კანდიდატის სტატუსი“, - განაცხადა ბოკუჩავამ.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე