ხობის მუნიციპალიტეტში ფეხბურთის განვითარების ხელშეწყობის მიზნით, საფეხბურთო სტადიონის მშენებლობა მიმდინარეობს.
ამის შესახებ ინფორმაციას ხობის მუნიციპალიტეტის მერია ავრცელებს.
მათივე ცნობით, ხელოვნურსაფარიანი სტადიონის მშენებლობა საქართველოს რეგიონებში განსახორციელებელი პროექტების ფონდის, ადგილობრივი ბიუჯეტის და საქართველოს ფეხბურთის ფედერაციის დაფინანსებით ხორციელდება.
ინფორმაციის თანახმად, პროექტით გათვალისწინებულია ხელოვნური საფარის დაგება, განათების, ტრიბუნების და ელექტრო ტაბლოს მოწყობა. აშენდება ფეხბურთელთა გასახდელი შენობა და კეთილმოეწყობა ეზო.
მათივე განმარტებით, მიმდინარე სამუშაოები ხობის მუნიციპალიტეტის მერმა დავით ბუკიამ, მერის პირველმა მოადგილემ რევაზ ზაქარაიამ და მოადგილემ დავით ბერაიამ დაათვალიერეს.