ამბროლაურის მუნიციპალიტეტში სოფელ კვაცხუთში „ხიდიკრის კლდეკარის“ განათების მოწყობის სამუშაოები დასრულდა.

ამის შესახებ ინფორმაციას ამბროლაურის მუნიციპალიტეტის მერია ავრცელებს.

მათივე ცნობით, სამუშაოების ფარგლებში, ისტორიული კოშკებსა და მიმდებარე კლდეებზე განახლდა და მოეწყო განათების ახალი სისტემა. ამბროლაურის მერიის ცნობით, განხორციელებული სამუშაოების ღირებულებამ 57 460 ლარი შეადგინა. მათივე ინფორმაციით, „ხიდიკარი“ რაჭის ერთ-ერთი პოპულარული და ტურისტებისთვის მიმზიდველი ადგილია.

როგორც მერიაში აცხადებენ, ტურისტული ინფრასტრუქტურის განვითარება ამბროლაურის მუნიციპალიტეტის ერთ-ერთი პრიორიტეტია და ამ მიმართულებით მნიშვნელოვანი სამუშაოები ხორციელდება.