თინა ბოკუჩავა - ბორელის ვიზიტი „ქართული ოცნებისთვის“ ბოლო გაფრთხილებაა - ძალიან უჭირს ევროპას იმ კონსენსუსის მოპოვება რომელიც საჭიროა 27 ქვეყანაში დადებითი გადაწყვეტილებისთვის

ბორელისგან უკვე მოვისმინეთ, მნიშვნელოვანი განცხადება, რომ მხოლოდ დამსახურების მიხედვით ხდება სტატუსის მინიჭება, რაც ხაზს უსვამს, რომ დღევანდელი ხელისუფლების პირობებში, ძალიან უჭირს ევროპას კონსენსუსის მოპოვება, - ამის შესახებ ფრაქცია „ნაციონალური მოძრაობის“ თავმჯდომარე თინა ბოკუჩავამ განაცხადა.

როგორც მან აღნიშნა, ბორელის ვიზიტი „ქართული ოცნებისთვის" ბოლო გაფრთხილებაა.

„ეს არის საბოლოო გაფრთხილება ბრიუსელიდან „ოცნების“ მიმართ, რომელიც ყველაფერს აკეთებს, რომ საქართველომ კანდიდატის სტატუსი არ მიიღოს. ჩვენ უკვე მოვისმინეთ ბორელისგან მნიშვნელოვანი განცხადება, რომ მხოლოდ დამსახურების მიხედვით ხდება სტატუსის მინიჭება, რაც კიდევ ერთხელ ხაზს უსვამს, რომ დღევანდელი ხელისუფლების პირობებში, რომელიც მიზანმიმართულად არ ასრულებს რეკომენდაციებს და საბოტაჟირებას ახდენს სტატუსის, ძალიან უჭირს ევროპას იმ კონსენსუსის მოპოვება რომელიც საჭიროა 27 ქვეყანაში დადებითი გადაწყვეტილებისთვის”, - განაცხადა ბოკუჩავამ.

ის ასევე გამოეხმაურა სალომე ზურაბიშვილის ირგვლივ განვითარებულ მოვლენებს და აღნიშნა, სალომე ზურაბიშვილმა ისტორიის მნიშვნელოვან მომენტში ისტორიის სწორი მხარე აირჩია.

„ივანიშვილის მცდელობა ბუნებრივია, წარუმატებელი იქნება, ხოლო საქართველოს ევროპისკენ სვლა აუცილებლად იქნება წარმატებული, ჩვენ ყველაფერი უნდა გავაკეთოთ, რომ საქართველომ ამ ისტორიული არჩევანის რეალიზება მოახდინოს”, - განაცხადა ბოკუჩავამ.

ინფორმაციისთვის, პარლამენტში საგარეო საქმეთა და უსაფრთხოების პოლიტიკის საკითხებში ევროკავშირის უმაღლეს წარმომადგენელ ევროკომისიის ვიცე-პრეზიდენტ ჯოზეფ ბორელს ელოდებიან. ჯოზეფ ბორელი პარლამენტში მყოფ ყველა პოლიტიკური ფრაქციისა და ჯგუფის წარმომადგენელს შეხვდება.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
ქართული პრესის მიმოხილვა 21.09.2023
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი