ბოლნისის მუნიციპალიტეტის მერი შვედური ორგანიზაციის SALAR International-ის წარმომადგენელს შეხვდა

ბოლნისის მუნიციპალიტეტის მერი, დავით შერაზადიშვილი შვედური ორგანიზაციის SALAR International-ის წარმომადგენელს შეხვდა.

აღნიშნულის შესახებ ინფორმაციას ბოლნისის მუნიციპალიტეტი ავრცელებს.

მათივე ცნობით, შვედეთის მთავრობის ინიციატივით, შვედეთის ადგილობრივი თვითმმართველობისა და რეგიონების ასოციაციის (SALAR) განყოფილება SALAR International საქართველოში დეცენტრალიზაციისა და ადგილობრივი თვითმმართველობის რეფორმის მხარდაჭერის მრავალწლიანი პროგრამის შემუშავებაზე მუშაობს.

„ამ ეტაპზე SALAR International პროგრამის მოსამზადებელ ფაზას ახორციელებს, რომლის ფარგლებშიც, ბოლნისის მუნიციპალიტეტის მერმა, დავით შერაზადიშვილმა ორგანიზაციის წარმომადგენელ, ჰელენა ოფსონთან შეხვედრა გამართა. შეხვედრაზე მხარეებმა პროექტის მიზნებსა და ურთიერთთანამშრომლობის სფეროების შესახებ იმსჯელეს.

პროექტის მოსამზადებელი ფაზის მიზნებია, საქართველოში დეცენტრალიზაციისა და ადგილობრივი თვითმმართველობის რეფორმების არსებული ვითარების სისტემური მიმოხილვა და სიტუაციური ანალიზის შემუშავება. მიმდინარე რეფორმის მოკლევადიანი და გრძელვადიანი საჭიროებების გამოვლენა და მთავარ აქტორებთან დიალოგი, რათა დადგინდეს, სად შეუძლია შვედეთის მთავრობას ყველაზე ღირებული მხარდაჭერა განახორციელოს, რათა ხელი შეუწყოს საქართველოში დეცენტრალიზაციისა და ადგილობრივი თვითმმართველობის რეფორმების ეფექტურ განხორციელებას“,- აღნიშნულია გავრცელებულ ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)