დავით უსუფაშვილი „პრინციპულად არასწორს“ უწოდებს ინფორმაციას, რომ „ქართულმა ოცნებამ“ მარგველაშვილს პრეზიდენტის პოსტიდან გადადგომა მოსთხოვა, რაშიც შუამავლის როლს სწორედ უსუფაშვილი ასრულებდა

„ლელოს“ ერთ-ერთი ლიდერი დავით უსუფაშვილი „პრინციპულად არასწორს“ უწოდებს პრეზიდენტ გიორგი მარგველაშვილის ადმინისტრაციის ყოფილი წარმომადგენლის ვანო მაჭავარიანის განცხადებას, რომლის მიხედვით, „ქართულმა ოცნებამ“ მარგველაშვილს პრეზიდენტის პოსტიდან გადადგომა მოსთხოვა, რა პროცესშიც შუამავლის როლს მაშინდელი პარლამენტის თავმჯდომარე დავით უსუფაშვილი ასრულებდა.

როგორც უსუფაშვილმა განმარტა, მაჭავარიანი შესაძლოა, არასწორადაა ინფორმირებული და ამბის პირველწყაროსთან გადამოწმებას ურჩევს.

მისივე თქმით, ყველაფერზე დეტალურად მაშინ ისაუბრებს, „თუკი მაჭავარიანი პრინციპულად არასწორი მესიჯის დადასტურებას გააგრძელებს“.

„მოვისმინე ბატონ ვანო მაჭავარიანის ინტერპრეტაცია მაშინდელი მოვლენების თაობაზე. ეს არის პრინციპულად არასწორი ინტერპრეტაცია. ალბათ, იმიტომ, რომ ვანო მაჭავარიანი იმ მოვლენების შემსწრე არ იყო. ჯერ დეტალიზაციისა და განმარტებებისგან თავს შევიკავებ. იმედია, ვანოს თავად გიორგი აუხსნის, რა იყო, როგორ იყო და სწორ განცხადებას თავად გააკეთებს. თუ დაიჟინებს, რომ ისე იყო როგორც თავად ამბობს, მაშინ აუცილებლად მოგახსენებთ ყველაფერს.

თუ საჭირო გახდა და თემა გაიხსნა, მზად ვარ, ყველაფერზე დეტალურად მოგახსენოთ - არა იმიტომ რომ ეს მე მჭირდება, ქვეყნის ისტორიისთვის მნიშვნელოვანი ფურცელია“, - განაცხადა დავით უსუფაშვილმა.

ინფორმაციისთვის, საერთაშორისო ურთიერთობების ექსპერტი, პრეზიდენტ გიორგი მარგველაშვილის ადმინისტრაციის ყოფილი წარმომადგენელი ვანო მაჭავარიანი აცხადებს, რომ „ქართულმა ოცნებამ“ გიორგი მარგველაშვილს პრეზიდენტის პოსტიდან გადადგომა მოსთხოვა, ბიძინა ივანიშვილის სახელით შუამავლის როლს კი დავით უსუფაშვილი ასრულებდა. აღნიშნულის შესახებ მაჭავარიანმა “პალიტრანიუსის“ გადაცემა “თავისუფალ სივრცეში“ ისაუბრა. როგორც მაჭავარიანი იხსენებს, გზავნილი იყო ცალსახა, რომლის მიზეზიც მთავრობისა და პრეზიდენტ მარგველაშვილის პოლიტიკას შორის სხვაობა გახდა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე