თეთრიწყაროს მუნიციპალიტეტის სოფელ ქოთიშში სკვერის რეაბილიტაცია განხორციელდა

თეთრიწყაროს მუნიციპალიტეტის სოფელ ქოთიშში, მერიის თანამონაწილეობით, ა(ა)იპ „ქეა-კავკასიას“ პროექტის „ადგილობრივი მოსახლეობის განვითარების ინიციატივა“ მეშვიდე ფაზის (CDI-7) ფარგლებში, სკვერის რეაბილიტაცია განხორციელდა. ამის შესახებ ინფორმაციას თეთრიწყაროს მუნიციპალიტეტის მერია ავრცელებს.

მათივე ცნობით, თეთრიწყაროს მუნიციპალიტეტის მერი, გიორგი წიკლაური სოფელ ქოთიშის დეპუტატთან, გიორგი ფიჩხულაშვილთან ერთად ახლად რეაბილიტირებული სკვერის გახსნას დაესწრო.

„ასევე, შეხვედრას ესწრებოდნენ მეშვიდე ფაზის - CDI-7 მენეჯერი ნინო კაკაბაძე, სათემო ორგანიზაცია „ქოთიშის“ წევრი რუზანა კონდაქჩიანი, BP-ს სოციალური ინვესტიციების ხელმძღვანელი ეთერ კვირიკაშვილი და ადგილობრივი მოსახლეობა.

პროექტის ფარგლებში მოეწყო კაუჩუკის ფილები, დამონტაჟდა საბავშვო ატრაქციონები, დაიდგა მოსასვენებელი სკამები, დაირგა ახალი ნერგები და დამონტაჟდა მზის ენერგიაზე მომუშავე ლამპიონები.

პროექტი „ადგილობრივი მოსახლეობის განვითარების ინიციატივა“ (CDI-7) ინიცირებული და დაფინანსებულია BP- სა და მისი პარტნიორების, ბაქო-თბილისი- ჯეიჰანის ნავთობსადენისა და სამხრეთ კავკასიის მილსადენის კომპანიების (BTC/SCP) მიერ. პროექტს ახორციელებს ,,ქეა კავკასია“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი