ლევან ხაბეიშვილი - დარწმუნებული ვარ, რომ ზურაბიშვილის მაკრონთან შეხვედრის დროს ერთ-ერთი მნიშვნელოვანი იქნებოდა პრეზიდენტ სააკაშვილის საკითხი
„ნაციონალური მოძრაობის“ თავმჯდომარე ლევან ხაბეიშვილი დარწმუნებულია, რომ საქართველოს პრეზიდენტ სალომე ზურაბიშვილისა და საფრანგეთის პრეზიდენტ ემანუელ მაკრონის შეხვედრაზე ერთ-ერთი მნიშვნელოვანი თემა ყოფილი პრეზიდენტის მიხეილ სააკაშვილის საკითხი იქნებოდა.
როგორც ხაბეიშვილმა აღნიშნა, შეუძლებელია ეს საკითხი მაკრონისთვის პრიორიტეტული არ ყოფილიყო.
„მაკრონს საჯაროდაც აქვს გაცხადებული პრეზიდენტ სააკაშვილის პოლიტიკური დევნის შესახებ, ეს განცხადება მაკრონს თავად გაუკეთებია, აკეთებს უკრაინის მთავრობა და აკეთებს პრეზიდენტი ზელენსკი, ასევე, ბევრი ჩვენი დასავლელი პარტნიორი. მე დარწმუნებული ვარ, რომ მაკრონთან შეხვედრის დროს ერთ-ერთი მნიშვნელოვანი საკითხი იქნებოდა პრეზიდენტ სააკაშვილის საკითხი, რადგან ასეთი რამ მას საჯაროდაც გაუკეთებია“, - განცხადა ლევან ხაბეიშვილმა.
v-if="article.gallery" v-html="article.gallery"
