ჩხოროწყუს მუნიციპალიტეტში ძლიერმა წვიმამ პრობლემები შექმნა.

უხვი ნალექის შედეგად ადიდდა მდინარეები და ღელეები, დატბორილია რამდენიმე საცხოვრებელი სახლის პირველი სართული, ქუჩები, ეზოები, სასოფლო-სამეურნეო ფართობები, თხილნარი. ჩამორეცხილია შიდა საუბნო გზები.

მუნიციპალიტეტის მერი დავით გოგუა შესაბამის სამსახურებთან ერთად ვითარებას ადგილზე ეცნობა.

ჩხოროწყუს მუნიციპალიტეტის მერიის ინფორმაციით, სპეციალური კომისიის მიერ სტიქიის შედეგად მიყენებული ზარალის დათვლა მიმდინარეობს.