იაგო ხვიჩია - მხარს არ დავუჭერთ პრემიერის იმპიჩმენტს, რეპუტაციულად ასე შერყეულ პრემიერს ოპოზიცია ვერ ინატრებს - ზურაბიშვილთან წააგო, ბორელთან წააგო და მოგებით რატომ დავამთავრებინოთ? - „ქოცები“ არ გადააყენებენ და წაგებულ თამაშში რატომ მიმათრევ?!

ჩვენ მხარს არ დავუჭერთ პრემიერის იმპიჩმენტს, რეპუტაციულად ასე შერყეულ პრემიერ-მინისტრს ოპოზიცია ვერ ინატრებს - პრემიერმა სალომე ზურაბიშვილთან წააგო, ბორელთან ვიზიტის დროს წააგო, თვითმფრინავის საქმეზე წააგო და მოგებით რატომ დავამთავრებინოთ და თქვან, რომ მისი იმპიჩმენტი ვერ შედგა?- ამის შესახებ „გირჩის“ დეპუტატმა, იაგო ხვიჩიამ „პალიტრანიუსის“ გადაცემა „დღის ნიუსრუმში“ განაცხადა, რითაც ის ფაქტი შეაფასა, რომ „ლელო“ პრემიერ-მინისტრის წინააღმდეგ იმპიჩმენტის პროცედურას იწყებს და საპარლამენტო ოპოზიციას მოუწოდებს, ინიციატივას შეუერთდნენ.

როგორც ხვიჩიამ აღნიშნა, ისეთი პრემიერი გვყავს, რომელიც ყველანაირად არის დაზიანებული.

„ჩვენ მხარს არ დავუჭერთ იმპიჩმენტს. ჩვენ არ გვაწყობს პრემიერის იმპიჩმენტი. ოპოზიციას თუ მოგება უნდა, რეპუტაციულად ასე შერყეულ პრემიერ-მინისტრს ვერ ინატრებს. მეტი რით დაგეხმაროს „ქართული ოცნება“, როდესაც ღარიბაშვილი ჰყავს პრემიერად? ღარიბაშვილს ძველი სკანდალები მოსდევს, ასევე ახალიც, მისი ბოლო პერიოდის პოლიტიკაც დაკავშირებულია დასავლური ცივილიზაციისგან დისტანცირებაზე. ისეთი პრემიერი გვყავს, რომელიც ყველანაირად არის დაზიანებული. ამას დაემატა ის, რომ სახელმწიფო თვითმფრინავით დადის დასავლეთში ოჯახურ საქმეებზე. „ქართულმა ოცნებამ“ თავად უნდა გადააყენოს პრემიერი, იმდენად შეერყა რეპუტაცია, ოპოზიცია რატომ ვეხმარებით? ეს თანამდებობა ხომ „ქართული ოცნების“ არის? „ქართულ ოცნებას“ ჩვენ უნდა ვუთხრათ, უკეთესი პრემიერი დანიშნეო? პირობითად, ოპოზიციისთვის უკეთესი იქნება, კუჭავა რომ დანიშნონ პრემიერად? ოპოზიციას ამ თემის მხოლოდ ინიცირების უფლება აქვს იმ რაოდენობის ხმებით, რაც მაქსიმუმ შეიძლება მოაგროვოს, პრემიერი „ქართული ოცნების“ გადასაყენებელია. პრემიერი ახლა ყველაფრით ზიანდება, სალომე ზურაბიშვილთან წააგო, ბორელთან ვიზიტის დროს წააგო, თვითმფრინავის საქმეზე წააგო და მოგებით რატომ დავამთავრებინოთ, რომ ვთქვათ და მისი იმპიჩმენტი ვერ შედგა“, - აღნიშნა იაგო ხვიჩიამ.

ამასთან, მან უპასუხა კითხვას, რამდენად ხედავს საგამოძიებო უწყებების ჩართვის საჭიროებას მედიით გავრცელებულ ინფორმაციაზე, რომლის თანახმად, პრემიერ-მინისტრმა სამთავრობო თვითმფრინავი პირადი ვიზიტებისთვის გამოიყენა. როგორც ხვიჩია განმარტავს, „ერთი საკითხია ის, რომ აუცილებელია გამოძიების დაწყება, ხოლო მეორე საკითხია ის, თუ ვის ვთხოვთ გამოძიების დაწყებას“.

„ქართულ ოცნებას“ ვთხოვთ საკუთარ პრემიერზე დაიწყოს გამოძიება?! ამ ხალხთან მექნებოდა კითხვა, ვისი გჯერათ? რომელი ინსტიტუტიაა, რომლისაც გჯერათ? სწორი რეაგირება იქნება ის, რომ დავიმახსოვროთ ეს ამბავი და დავიწყოთ მომზადება იმისთვის, თუ როგორ უნდა შევცვალოთ „ქართული ოცნება“ მთლიანად.

„ლელო“ინდივიდუალურ ინიციატივას აყენებს, რომელზეც თვითონვე იციან, რომ პრემიერის გამარჯვებით დამთავრდება, „ქოცები“ არ გადააყენებენ და წაგებულ თამაშში რატომ მიმათრევ?!

„ლელოს“ ფული აქვს და შეუძლია დახარჯოს, მაგალითად იმ მიმართულებით, რომ ოპოზიციამ რაიმე მოიფიქროს, როგორ წარმოუდგენია ქვეყანა „ქოცების“ შემდეგ, როგორ დალაგდნენ ერთმანეთში, ბოლოს და ბოლოს პურ-მარილი მოაწყონ, ხალხი ერთმანეთს შეახვედროს, თუ „კაი“ საქმის გაკეთება უნდა. არა ის, რომ ამას დაველაპარაკები და იმას, რომ პოლიტიკოსობენ რაღაცას. ფულის ხარჯვა დაიწყოს იმისთვის, რომ პოლიტიკურმა სპექტრმა შეძლოს ჩამოყალიბდნენ, როგორი იქნება ქვეყანა „ქართული ოცნების“ შემდეგ“, - აღნიშნა ხვიჩიამ.

როგორც ხვიჩიამ განაცხადა, ღარიბაშვილი ბევრად მეტს აშავებს როდესაც ქვეყანაშია და არა მაშინ, როდესაც ის „თვითმფრინავით დაკატაობს“.

„თვითმფრინავი გაფრინდა? - გაფრინდა, იყო შიგნით ღარიბაშვილი და მისი ოჯახი ?- იყო. ასევე, პირადი ვიზიტი იყო. ვისაც არ უნდა გადაეხადა თანხები, პირველი ვერსიით, თუ სახელმწიფო ბიუჯეტით მოხდა, უფრო ნაკლები ფულის მითვისებაზე გვიზის თუ არა ციხეში ხალხი? თუ პრემიერმა გადაიხადა, ვნახოთ მისი დეკლარაცია, თავი ძლივს გააქვს, მამამისი უხდის ფულს, რომ ხარჯები დააბალანსოს. მაშინ, როდესაც ყოველდღე არღვევენ წესებს მოსახლეობის წინაშე, უმნიშვნელოა „ქართული ოცნების“ დარღვევებზე აპელირება, თუნდაც იმ შემთხვევაში, რომ სახელმწიფო თვითმფრინავით კატაობენ. ნეტა მართლა მარტო თვითმფრინავით დაკატაობდეს ღარიბაშვილი მთელ სამყაროში და სხვას არაფერს აკეთებდეს, აქ რომ არის ბევრად მეტს აშავებს, ვიდრე იქ რომ დაფრინავს“,- აღნიშნავს ხვიჩია.

გარდა ამისა, მან „ქართული ოცნების“ საგარეო პოლიტიკაც შეაფასა და აღნიშნა, რომ „ქართულ ოცნებას“ ბევრი არასწორი ნაბიჯი აქვს გადადგმული, ჭაობში ჩაძირეს ქვეყანა, „ვტივტივებთ, არც წინ მივდივართ და არც უკან“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024