ქუთაისის მერმა ტალინში, 2023 წლის „ღია მმართველობის პარტნიორობის“ (OGP) გლობალურ სამიტში მიიღო მონაწილეობა

ქუთაისის მერი იოსებ ხახალეიშვილი ოფიციალური ვიზიტით ესტონეთის დედაქალაქში იმყოფებოდა. ამის შესახებ ინფორმაციას ქუთაისის მერია ავრცელებს.

მათივე ცნობით, ქუთაისის მერმა ტალინში, 2023 წლის „ღია მმართველობის პარტნიორობის" (OGP) გლობალურ სამიტში მიიღო მონაწილეობა. სამიტში სხვადასხვა ქვეყნის მაღალი რანგის სახელმწიფო თანამდებობის პირები და სამოქალაქო საზოგადოების წარმომადგენლები მონაწილეობდნენ.

„სამიტის მიზანი იყო ციფრულ ეპოქაში ღია მმართველობაზე ყურადღების გამახვილება, როგორც ტექნოლოგიის პოტენციალზე, რათა მმართველობა და პოლიტიკის შემუშავება გახდეს უფრო გამჭვირვალე და ანგარიშვალდებული", - განაცხადა იოსებ ხახალეიშვილმა.

ქუთაისის მერიის ინფორმაციით, შეხვედრებზე ყურადღება გამახვილდა დემოკრატიულ პროცესებზე, რომელიც გულისხმობს მოქალაქეებისთვის შესაძლებლობების მიცემას, დააფიქსირონ თავიანთი ხმა და წვლილი შეიტანონ გადაწყვეტილების მიღების პროცესში, ებრძოლონ კორუფციას, მოახდინონ საჯარო მომსახურებების რეფორმირება და დაძლიონ კლიმატური ცვლილებები.

„სამიტის სესიებზე ისაუბრეს OGP –ის 5 წლიან სამოქმედო გეგმაში შემავალ თემებთან დაკავშირებით, ქუთაისის მუნიციპალიტეტის მხრიდან არსებულ ხედვებსა და სამომავლო პერსპექტივებზე. ქუთაისის მუნიციპალიტეტი ერთ-ერთი პირველია იმ ხუთ ადგილობრივ თვითმმართველობას შორის, რომელიც OGP-ის 2016-2018 წლების ეროვნულ სამოქმედო გეგმას შეუერთდა“,- აღნიშნულია ინფორმაციაში.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)