შალვა პაპუაშვილის თავმჯდომარეობით, ღია მმართველობის მუდმივმოქმედმა საპარლამენტო საბჭომ, საკანონმდებლო პროცესში მოქალაქეთა ჩართულობის მექანიზმების დახვეწაზე იმსჯელა

ღია მმართველობის მუდმივმოქმედი საპარლამენტო საბჭოს სხდომაზე საკანონმდებლო წინადადების რაციონალიზაციის საკითხზე იმსჯელეს. ამის შესახებ ინფორმაციას საქართველოს პარლამენტი ავრცელებს.

მათივე ცნობით, აღნიშნული ღია პარლამენტის მე-5 სამოქმედო გეგმით გათვალისწინებული ვალდებულების - „საკანონმდებლო პროცესში მოქალაქეთა ჩართულობის მექანიზმების დახვეწისთვის“ - ერთ-ერთი მნიშვნელოვანი მექანიზმია.

მათივე ცნობით, პარლამენტის თავმჯდომარემ, ღია მმართველობის მუდმივმოქმედი საპარლამენტო საბჭოს თავმჯდომარემ, შალვა პაპუაშვილმა სხდომაზე განაცხადა, რომ საკანონმდებლო წინადადება საკანონმდებლო პროცესში მოქალაქეთა ჩართულობის ერთ-ერთი შესაძლებლობაა და ამ კუთხით არსებული სტატისტიკა აღნიშნული მექანიზმის რაციონალური ცვლილების საჭიროებაზე მიუთითებს.

„სხვადასხვა ქვეყნის მაგალითების და გამოცდილების შესწავლამ დაგვანახა, რომ ჩვენს ქვეყნაში არსებული სისტემა ყველანაირად უზრუნველყოფს საკანონმდებლო პროცესში მოქალაქეთა ჩართულობას, თუმცა არსებობს სტატისტიკა, რომლის თანახმად, 2019 წლიდან დღემდე, პარლამენტში შემოსული 367 საკანონმდებლო წინადადებიდან მხოლოდ 5- 6 იქცა კანონად. აქედან გამომდინარე, ამ საკითხს უნდა შევხედოთ კრიტიკულადაც და ღიადაც იმისთვის, რომ ერთი მხრივ, პარლამენტს ჰქონდეს ინკლუზიური დემოკრატიული პროცესების ყველა თანამედროვე შესაძლებლობა, რამე არ დავკარგოთ და ამავე დროს, იყოს რაციონალური ინსტრუმენტები“, - განაცხადა შალვა პაპუაშვილმა.

პარლამენტის პრესსამსახურის ინფორმაციით, სხდომაზე შემოთავაზებული იქნა საკითხის გადაწყვეტის რამდენიმე მოდელი და გაიმართა დისკუსია.

როგორც შალვა პაპუაშვილმა განაცხადა, ღია მმართველობის მუდმივმოქმედი საპარლამენტო საბჭო სამოქმედო გეგმით გათვალისწინებული აღნიშნული ვალდებულების შესრულებაზე მუშაობას გააგრძელებს.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 21.09.2023
საგარეო უსაფრთხოების საშინაო განზომილება: დანიშნულება და სპეციფიკა
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი