სალომე სამადაშვილი - პრემიერის  იმპიჩმენტის წარდგინებაზე ხელის არმოწერა ნიშნავს, რომ მის ქმედებაში დანაშაულის ნიშნებს ვერ ხედავ - ასეთი დეპუტატი ალბათ, საზოგადოებას აუხსნის, რატომ ვერ ხედავს ღარიბაშვილის ქმედებაში დანაშაულის ნიშნებს

პრემიერ-მინისტრის თანამდებობიდან იმპიჩმენტით გადაყენების წარდგინებაზე ხელის არმოწერა ნიშნავს იმას, რომ მის ქმედებაში დანაშაულის ნიშნებს ვერ ხედავ - დეპუტატი, რომელიც იმპიჩმენტის პროცედურისთვის ხელმოწერაზე უარს იტყვის, ალბათ, საზოგადოებას აუხსნის, რატომ ვერ ხედავს ღარიბაშვილის ქმედებაში დანაშაულის ნიშნებს, - ეს განცხადება “ლელოს” დეპუტატმა სალომე სამადაშვილმა გააკეთა.

სამადაშვილის აზრით, მას შემდეგ, რაც ცნობილი გახდა, რომ ღარიბაშვილმა პირადი მიზნებისთვის სამთავრობო თვითმფრინავით ისარგებლა და ამაში ასობით ათასი ლარი დახარჯა, დგება საკითხი, უნდა დარჩეს თუ არა ის პრემიერ-მინისტრის პოსტზე.

“დეპუტატები, რომლებიც ამბობენ, რომ პრემიერ-მინისტრის იმპიჩმენტის მოთხოვნას ხელს არ მოაწერენ, ამით საზოგადოებას ეუბნებიან, რომ არ მიაჩნიათ, რომ ირაკლი ღარიბაშვილმა დანაშაული ჩაიდინა, არ მიაჩნიათ, რომ ღარიბაშვილი პრემიერის თანამდებობას არ უნდა იკავებდეს.

ერთადერთი ინსტრუმენტი, რომელიც ხელთ ოპოზიციას აქვს და შეუძლია მისი გამოყენება, არის პრემიერის წინააღმდეგ იმპიჩმენტის პროცედურის დაწყება. ეს არის პოლიტიკური განაცხადი, პოლიტიკური შეფასება, რომ არ ვაპირებთ კორუმპირებულ, კანონდამრღვევ პრემიერს შევეგუოთ.

ის თუ როგორ გაგრძელდება პროცესი საკონსტიტუციო სასამართლოში, სასამართლოს თანხმობის შემთხვევაში იქნება თუ არა ღარიბაშვილის თანამდებობიდან გადაყენებისათვის საკმარისი ხმები, ეს მეორადი მნიშვნელობის საკითხია”, - აცხადებს სალომე სამადაშვილი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024