წინანდლის ფესტივალი 2023 დასრულდა

მრავალფეროვანმა საკონცერტო პროგრამამ თერთმეტი დღის განმავლობაში კლასიკური მუსიკით დაინტერესებული ადგილობრივი თუ უცხოელი მსმენელი მიიზიდა. მუსიკამ დააკავშირა ახალგაზრდა შემსრულებლები, მსოფლიო ვირტუოზები, ცნობილი დირიჟორები და ხელოვნების ჭეშმარიტი დამფასებლები.

მე 5 საიუბილეო სეზონი 25 ჯადოსნური კონცერტით დაამახსოვრდება მსმენელს. დასკვნით დღეს, „ლიზა ბათიაშვილის ფონდმა“ ახალგაზრდა ქართველი მუსიკოსები წარუდგინა ფესტივალის სტუმრებს.

ფონდი ქართველმა მევიოლინემ, მიუნხენში, მეგობრებთან და თანამოაზრეებთან ერთად დაარსა ნიჭიერი ქართველი მუსიკოსების დასახმარებლად. ფონდის წევრებმა: ანასტასია აღლაძემ – (ვიოლინო), ელენე გოგოძემ – (ალტი), ანა გოგოლაძემ – (ფლეიტა), თამარ დარასელიამ – (ფლეიტა), დავით გოგოლაძემ – (კლარნეტი) და სანდრო ნებიერიძემ – (ფორტეპიანო) კამილ სენ-სანსის, ჟორჯ ბიზეს, მაქს ბრუხის და ედვარდ გრიგის ნაწარმოებები შეასრულეს.

ფესტივალის დასკვნითი ღონისძიება, საღამოს, წინანდლის ამფითეატრში გაიმართა. კონცერტზე დირიჟორი კრისტოფ კონცი, ვირტუოზი ქართველი მევიოლინე ლიზა ბათიაშვილი და პან-კავკასიური ახალგაზრდული ორკესტრი – ბეთჰოვენის და შუმანის ნაწარმოებებს ასრულებდნენ. ამ ტანდემმა კიდევ ერთი ჯადოსნური დღე შექმნა.

ფესტივალის მისიაა გაავრცელოს მაღალი ხარისხის მუსიკა, მოახდინოს მისი პოპულარიზაცია და შექმნას რეგიონში საგანმანათლებლო ცენტრი, სადაც კავ­კა­სი­ის და მე­ზო­ბე­ლი ქვეყ­ნე­ბის ახალ­გაზ­რდა, ნიჭიერ მუ­სი­კო­სე­ბს შესაძლებლობა მიეცემათ მსოფ­ლიო ვარ­სკვლა­ვებ­თან ერ­თად გაიარონ რეპეტიციები, დაესწრონ მასტერ კლასებს და ერთად წარსდგნენ მსმენელის წინაშე. ეს არის ამ მუსიკალური პროექტის სამ­შვი­დო­ბო გზავ­ნი­ლი - რეგიონის, მეზობელი ქვეყნების ახალგაზრდების გაერთიანება და მუსიკის გავრცელება.

წინანდლის ფესტივალი 2024 წელს, 31 აგვისტოდან 10 სექტემბრის ჩათვლით მრავალფეროვანი პროგრამით დაბრუნდება. მანამდე კი, უკვე დაანონსდა წლის ერთ-ერთი ყველაზე მასშტაბურ საერთაშორისო ღონისძიება: 2024 წელს, წინანდალში, ბერლინის ფილარმონიული ორკესტრი და მსოფლიოში პირველ მევიოლინედ მიჩნეული -ლიზა ბათიაშვილი „ევროპა - კონცერტს“ გამართავენ და მას პირდაპირ ეთერში 160 ქვეყანაში იხილავენ. „ევროპა - კონცერტს“ ლეგენდარული დანიელ ბარანბოიმი უდირიჟორებს.

(R)

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024