ნიკა მელია - მოსაზრება, რომ პრეზიდენტის იმპიჩმენტის კენჭისყრისას ოპოზიცია სხდომათა დარბაზში არ შევიდეს, ძალიან მძიმეა გასააზრებლადაც კი - თუ ერთმანეთის მიმართ ასეთი უნდობლობაა, მაშინ პარლამენტში აღარ უნდა იყო

მოსაზრება, რომ ოპოზიცია სხდომათა დარბაზში კენჭისყრისას არ შევიდეს, ჩემი აზრით, ძალიან მძიმეა გასააზრებლადაც კი, - ამის შესახებ „ნაციონალური მოძრაობის“ ყოფილმა თავმჯდომარემ, ნიკა მელიამ საქართველოს პრეზიდენტის იმპიჩმენტის წესით გადაყენებასთან დაკავშირებით საუბრისას განაცხადა.

მისივე თქმით, ფარული კენჭისყრის პირობებში გამორიცხული არაფერია.

„ფარული კენჭისყრის პირობებში, რა თქმა უნდა, არაფერი არ არის გამორიცხული, მაგრამ მეორეს მხრივ, მოსაზრება, რომ ოპოზიცია სხდომათა დარბაზში კენჭისყრისას არ შევიდეს, ჩემი აზრით, არის ძალიან მძიმე გასააზრებლადაც კი. შენ თუ ოპოზიცია გქვია და პარლამენტში ხარ წარმოდგენილი და იმდენად უნდობლობაა ერთმანეთისა, რომ სხდომათა დარბაზში იმ შიშით ვერ შედიხარ, რომ ვიღაცამ ხმა არ მისცეს „ქართული ოცნების სასარგებლოდ“, მაშინ იქ აღარ უნდა იყო და ამაში ვარ აბსოლუტურად დარწმუნებული,“ - აღნიშნა მელიამ.

მისივე თქმით, იმ შემთხვევაში თუკი პრეზიდენტის იმპიჩმენტი მოხდება, „ქართული ოცნების“ მიზანი, რომ ქვეყანამ ევროკავშირის კანდიდატი ქვეყნის სტატუსი ვერ მიიღოს, მაინც ვერ შესრულდება.

„არამართლზომიერ, მოღალატეობრივ, არასახელმწიფოებრივ, ნებისმიერ მანკიერ ქმედებას პარტიული კუთვნილება არ აქვს. კი ბატონო, ჩვენ მძიმე პრეცედენტები მოგვისმენია, მთელი „ქართული ოცნება“ დგას მოსყიდვაზე წლების განმავლობაში და ვერავინ ვერავის გარანტორად ვერ ჩაუდგება, რომ ეს შეიძლება გამოირიცხოს. მიზანი, მიღწეული არ იქნება მაინც „ქართული ოცნებისთვის“. რომც მოახერხონ [პრეზიდენტის იმპიჩმენტი] თუ მათ ჰგონიათ, რომ დასავლეთმა კანდიდატის სტატუსი ამით შეიძლება არ მოგვცეს და ქართველი ხალხს ზურგს შეაქცევს, მე პირადად დარწმუნებული ვარ, რომ ეს იქნება პირიქითი შედეგის მომტანი და ბიძინა ივანიშვილი უბრალოდ წაგებულ თამაშს თამაშობს,“ - განაცხადა მელიამ.

ფარხატ მამედოვი -  აზერბაიჯანის ხელისუფლება ცდილობს შექმნას პირობები, რომ მთიან ყარაბაღში მცხოვრებმა მოსახლეობამ მიიღოს გადაწყვეტილება დარჩნენ ყარაბაღში, როგორც აზერბაიჯანის მოქალაქეები
გიორგი ანთაძე - ეროვნული ბანკის გარშემო განვითარებული მოვლენები კიდევ ერთხელ ცხადყოფს რამდენად მეორეხარისხოვანია ეროვნული ინტერესები ქართულ პოლიტიკურ რეალობაში
ქართული პრესის მიმოხილვა 25.09.2023
ტერაბანკმა მცირე და საშუალო ბიზნესის გაციფრულების პლატფორმა Saasargeblo.ge წარადგინა
სადისტრიბუციო კომპანია მზიური BDO Digital-თან პარტნიორობით თანამედროვე ERP სისტემას ნერგავს
TKT.GE განცხადებას ავრცელებს
განსაკუთრებული შეთავაზება „ჰიუნდაის“ ბესტსელერ მოდელზე  30 ოქტომბრამდე გრძელდება
კურორტ გოდერძიზე „ალიანს ჯგუფმა“ ახალი ტიპის კომპლექსს ჩაუყარა საფუძველი