შალვა პაპუაშვილი - მოლოდინი გვაქვს, ევროკავშირი დაფიქრდება, რომ მნიშვნელოვანი გადაწყვეტილება აქვს მისაღები - სამწუხაროდ, შარშან მცდარი გადაწყვეტილება მიიღო, როდესაც ლიდერი ქვეყანა დაჩაგრა და სტატუსი არ მისცა

ჩვენ ერთადერთი მოლოდინი გვაქვს - ევროკავშირი კიდევ ერთხელ დაფიქრდება, რომ მნიშვნელოვანი გადაწყვეტილება აქვს მისაღები - სამწუხაროდ, შარშან მცდარი პოლიტიკური გადაწყვეტილება მიიღო ევროკავშირმა, როდესაც ლიდერი ქვეყანა დაჩაგრა და არ მისცა კანდიდატის სტატუსი, - ამის შესახებ პარლამენტის თავმჯდომარემ შალვა პაპუაშვილმა ჟურნალისტებს განუცხადა.

მისივე თქმით, ეს იქნება გზავნილი არამხოლოდ ქართველი ხალხისთვის, არამედ გზავნილი მათთვის, ვინც საქართველოს კეთილმოსურნე არ არის.

„განსაკუთრებით მნიშვნელოვანი და ნაყოფიერი იყო ჯოზეფ ბორელის ვიზიტი, სადაც, გარდა იმისა, რომ იყო პოლიტიკურად მაღალ დონეზე შეხვედრები, ასევე იყო ტექნიკური ხასიათის შეხვედრები. ჩვენ გვქონდა, მათ შორის, რეკომენდაციებზე საუბარი, მნიშვნელოვანი იდეები გავცვალეთ თუ კიდევ რა შეიძლება გაკეთდეს ამ რეკომენდაციების შესრულებისთვის. საქართველოს პარლამენტი აპირებს ამ საკითხებზე მსჯელობას. მეორეს მხრივ, ველოდებით რომ იყოს ჩვენი საქმიანობის შეფასება. ჩვენ ერთადერთი მოლოდინი გვაქვს - ევროკავშირი კიდევ ერთხელ დაფიქრდება, რომ მნიშვნელოვანი გადაწყვეტილება აქვს მისაღები. შარშან ჩვენ ვნახეთ, რომ სამივე ქვეყნის მიმართ გადაწყვეტილება პოლიტიკური იყო, ნაკლებად დაფუძნებული დამსახურებებსა და სხვა ასეთ საკითხებზე. სამწუხაროდ, შარშან მცდარი პოლიტიკური გადაწყვეტილება მიიღო ევროკავშირმა, როდესაც ლიდერი ქვეყანა დაჩაგრა და არ მისცა კანდიდატის სტატუსი. რა თქმა უნდა, ეს არის გზავნილი არამხოლოდ ქართველი ხალხისთვის, არამედ გზავნილი მათთვის, ვინც საქართველოს კეთილმოსურნე არ არის. ამიტომ მნიშვნელოვანია, რომ ევროკავშირმა კიდევ ერთხელ გააცნობიეროს თუ რა სამომავლო გეგმები აქვს მას საქართველოსთან დაკავშირებით და ამ ჯერზე მაინც, სწორი გადაწყვეტილება მიიღოს“, - განაცხადა პაპუაშვილმა.

ლევან ალაფიშვილი - თუ სასამართლომ მმართველი გუნდის სასარგებლო გადაწყვეტილება მიიღო, ევროპული სტრუქტურებისთვის ეს იქნება იმის ლუსტრაცია რომ ჩვენ არც საკონსტიტუციო სასამართლო გვაქვს დამოუკიდებელი პოლიტიკური გავლენებისგან
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა