შალვა პაპუაშვილი - თუ სასამართლო დაადგენს, რომ კონსტიტუცია დაირღვა, ეს არის სამართლებრივი და მორალური შეფასება ქმედების, რასაც პრეზიდენტის მხრიდან ჰქონდა ადგილი - ოპოზიცია კი წინმსწრებით ამბობს, რომ მათ კონსტიტუცია არაფრად მიაჩნიათ

იმ შემთხვევაში, თუ სასამართლო დაადგენს, რომ კონსტიტუცია დაირღვა, ეს არის სამართლებრივი და მორალური შეფასება იმ ქმედების, რასაც პრეზიდენტის მხრიდან ჰქონდა ადგილი - წინმსწრებით კი ოპოზიცია ამბობს, რომ მათ კონსტიტუცია არაფრად მიაჩნიათ, მნიშვნელობა არ აქვს დაირღვა თუ არა, -ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

მისივე თქმით, ოპოზიციის მთავარი ფილოსოფიაა საკუთარი სახელმწიფოს წინააღმდეგ წასვლა და კონსტიტუციის უპატივცემლობა.

„რაც შეეხება პრეზიდენტის იმპიჩმენტის საკითხს, აქ მთავარია საკონსტიტუციო სასამართლომ იმსჯელოს ამ საკითხზე და გამოიტანოს საკუთარი სამართლებრივი ვერდიქტი. ჩვენ ვთქვით, რომ ასი ხმის შეგროვება შეუძლებელია საქართველოს პარლამენტში, ხედავთ კიდევაც, რომ ოპოზიცია ამ საკითხს ეჭიდავება, მათთვის ყველაფერი რაც კონსტიტუციის წინააღმდეგია და შეუძლია განხეთქილება შემოიტანოს, არის სასარგებლო და მისასალმებელი. რა თქმა უნდა, ისინი იმპიჩმენტს მხარს არ დაუჭერენ, მაგრამ მნიშვნელოვანია საკონსტიტუციო სასამართლომ იმსჯელოს. იმ შემთხვევაში, თუ სასამართლო დაადგენს, რომ დარღვეულ იქნა კონსტიტუცია, ეს რა თქმა უნდა, უკვე არის სამართლებრივი და მორალური შეფასება იმ ქმედების, რასაც პრეზიდენტის მხრიდან ჰქონდა ადგილი. ფაქტია, რომ ოპოზიცია არ აპირებს მხარი დაუჭიროს იმპიჩმენტს, რაც თავისთავად აშიშვლებს მათ დამოკიდებულებას კონსტიტუციის მიმართ. ჩვენ ვსაუბრობთ ქვეყნის ძირითად კანონზე, რომელზეც ხალხი შეთანხმდა, რომ ეს არის ჩვენი სახელმწიფო, ეს არის ჩარჩო, რომლითაც ვმოქმედებთ. ამ ჩარჩოდან, ჩვენი აზრით, პრეზიდენტი საკუთარი ქმედებებით გავიდა. საკონსტიტუციო სასამართლო დადებს სამართლებრივ ვერდიქტს. წინმსწრებით კი ოპოზიცია ამბობს, რომ მათ კონსტიტუცია არაფრად მიაჩნიათ, მნიშვნელობა არ აქვს დაირღვა თუ არა. მათი მთავარი ფილოსოფიაა საკუთარი სახელმწიფოს წინააღმდეგ წასვლა და კონსტიტუციის უპატივცემლობა, რასაც ისინი ხელისუფლებაში ყოფნის დროს აკეთებდნენ“, - განაცხადა პაპუაშვილმა.

ამასთან, პაპუაშვილმა გავრცელებულ ინფორმაციასთან დაკავშირებითაც ისაუბრა, რომლის მიხედვითაც მიხეილ სააკაშვილის პირადი ხასიათის ფრენებისთვის საბიუჯეტო თანხები იხარჯებოდა.

„ჩვენმა საზოგადოებამ იცის, ძალიან კი უნდოდათ რაღაც „პიჯაკებად" შეფუთვა ამ ყველაფრის, მაგრამ, სინამდვილეში, საქართველოს ხალხის მიერ გადახდილი ფული „ნაციონალურ მოძრაობას" საკუთარი ჯიბის ფულად მიაჩნდა, საკუთარი კეთილდღეობისთვის იყენებდნენ. ეს ყველაფერი ქვითრებითა და სხვადასხვა დოკუმენტებით არის ცნობილი ჩვენი საზოგადოებისთვის. მნიშვნელოვანია, რომ ერთის მხრივ ასეთი საკითხები გასაჯაროვდეს და თუ არის დანაშაულის ნიშნები, რა თქმა უნდა, ასეთი საკითხები უნდა იქნას გამოძიებული“, - აღნიშნა პაპუაშვილმა.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე