გურიის გუბერნატორი - ოზურგეთი-ჩოხატაურის დამაკავშირებელი დროებითი ხიდი ხვალ გაიხსნება

საჯავახო-ჩოხატაური-ოზურგეთი-ქობულეთის საავტომობილო გზის 32-ე კმ-ზე, დროებითი ხიდის მოწყობის სამუშაოები ინტენსიურ რეჟიმში ხორციელდება. მთავრობის ადმინისტრაციის რეგიონებთან ურთიერთობის დეპარტამენტის ინფორმაციით, სამუშაოები გურიის მხარეში სახელმწიფო რწმუნებულმა და საავტომობილო გზების დეპარტამენტის წარმომადგენელმა დაათვალიერეს.

სამუშაოები 24 საათის განმავლობაში მიმდინარეობს, დროებითი ხიდით სარგებლობას მოქალაქეები ხვალიდან შეძლებენ.

„აქტიურად მიმდინარეობს შიდასახელმწიფოებრივი მნიშვნელობის ოზურგეთი - ჩოხატაურის დამაკავშირებელი გზის დაზიანებული მონაკვეთის სამშენებლო სამუშაოები. საავტომობილო გზების დეპარტამენტის მიერ მყისიერად მოხდა რეაგირება დაზიანებისთანავე. სამუშაოები მიმდინარეობს 24 საათიან რეჟიმში. უკვე დასრულების ეტაპზეა დროებითი ხიდის მოწყობის სამუშაოები, კონსტრუქცია უკვე მოწყობილია და ხვალ, დღის ბოლომდე მოქალაქეებს ექნებათ შესაძლებლობა, რომ ისარგებლონ დროებითი ხიდით. რაც შეეხება დაზიანებული მონაკვეთის სამუშაოებს, უკვე მიმდინარეობს პროექტირება, რათა რაც შეიძლება მალე აღდგეს დაზიანებული ინფრასტრუქტურა“, - განაცხადა გურიის მხარეში სახელმწიფო რწმუნებულმა გიორგი ურუშაძემ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა