ბათუმის მერი - ჩვენი გუნდის მიერ გაცემული დაპირება შესრულებულია - დღეს ბათუმში მცხოვრებ 100 ოჯახს ბინები გადავეცით

ბათუმში მცხოვრებ 100 ოჯახს თანამედროვე საცხოვრებელ კომპლექსში სრულად გარემონტებული ბინები გადაეცა.

ბათუმის მერიის ინფორმაციით, მოსახლეობისთვის ბინების გადაცემის ღონისძიებას ბათუმის მერი არჩილ ჩიქოვანი და აჭარის მთავრობის თავმჯდომარე თორნიკე რიჟვაძე ესწრებოდნენ.

„ჩვენი გუნდის მიერ გაცემული დაპირება შესრულებულია. დღეს ბათუმში მცხოვრებ 100 ოჯახს ბინები გადავეცით. დღეიდან ეს ოჯახები შეძლებენ თანამედროვე სტანდარტების და სრულად გარემონტებულ კორპუსში ცხოვრებას. ამ ეტაპზე, უკვე 180 ოჯახს გააჩნია საკუთარი საცხოვრებელი ფართი. მინდა მივულოცო თითოეულ მათგანს და ვუსურვო მშვიდობა და კეთილდღეობა. ოჯახებმა, რომლებსაც დღეს ბინები გადაეცათ, „ხელმისაწვდომი საცხოვრისის პროგრამით“ ისარგებლეს, რომელსაც ბათუმის მერია ახორციელებს. პროგრამით სარგებლობა ბათუმში რეგისტრირებულ მოქალაქეებს შეეძლოთ, რომელთაც არ ჰქონდათ ბინა და ბინის თვითღირებულების ქირის სახით დაფარვის საშუალება აქვთ. აქვე მინდა მადლობა გადავუხადო იმ ადამიანებს, ვინც დაუღალავი შრომა ჩადო, რათა ამ ოჯახებს საკუთარი საცხოვრებელი ფართი ჰქონოდათ. კიდევ ერთხელ ვულოცავ ყველას და მჯერა, მომავალშიც არაერთ მნიშვნელოვან, მოქალაქეებზე მორგებულ პროექტს განვახორციელებთ“, - განაცხადა არჩილ ჩიქოვანმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი