ზურაბ ჭიაბერაშვილი - ერთადერთი საშუალება იმისათვის, რომ ქართველმა ხალხმა ლაქა ჩამოირეცხოს, ივანიშვილის და მისი „კლანის“ ხელისუფლებიდან ჩამოცილებაა

ერთადერთი საშუალება იმისათვის, რომ ქართველმა ხალხმა ლაქა ჩამოირეცხოს, ბიძინა ივანიშვილისა და მისი „კლანის“ ხელისუფლებიდან ჩამოცილებაა, - ამის შესახებ „ერთიანი ნაციონალური მოძრაობის“ საერთაშორისო მიმართულების მდივანმა, ზურაბ ჭიაბერაშვილმა ბრიფინგზე განაცხადა, რითაც ამერიკის შეერთებული შტატების მიერ საქართველოს ყოფილი მთავარი პროკურორის, ოთარ ფარცხალაძის დასანქცირებას გამოეხმაურა.

ზურაბ ჭიაბერაშვილის შეფასებით, აშშ-ის სახელმწიფო დეპარტამენტის გადაწყვეტილება არ არის სასიხარულო მოვლენა საქართველოსთვის, რადგან საბოლოო ჯამში ქვეყანა ზარალდება.

„ამერიკის მთავრობის გადაწყვეტილება მიმართულია იმისკენ, რომ შეზღუდოს რუსული კომპანიები და რუსი მოქალაქეები, დაეხმარონ რუსეთის მთავრობას, რათა აწარმოოს სისხლისმღვრელი ომი უკრაინაში, რომელსაც ძალიან ბევრი მსხვერპლი მოჰყვა - უკრაინელი ბავშვები, ქალები, უდანაშაულო ადამიანები. ზუსტად ამასთან დაკავშირებით ფიგურირებს „ქართული ოცნების“ ყოფილი გენერალური პროკურორი ოთარ ფარცხალაძე, რომელსაც ქართული საზოგადოება იცნობს, როგორც გერმანიაში „ბოტასების ქურდს“. გარდა იმისა, რომ ის ბიუჯეტიდან მილიონების მოპარვაშია ბრალდებული, ამავდროულად, ამ მოპარულ ფულს ახმარს საქართველოში არჩევნებზე ქუჩაში ადამიანების დაშინებას, კრიმინალის გაძლიერებას და ამ ყველაფერს ქართული სახელმწიფოს და ქართული დემოკრატიის, ხალხის წინააღმდეგ იყენებს.

ნამდვილად არ არის ეს [სანქიცირება] სასიხარულო მოვლენა ჩვენი ქვეყნისთვის, რადგან საბოლოო ჯამში ზარალდება ქვეყანა. აშშ-მ მილიარდობით დოლარი მოახმარა ქართველი ხალხის კეთილდღეობას, არავინ აშშ-ში, საქართველოში ან ევროპაში ბედნიერი არ არის, რომ საქართველო, მისი მოქალაქეები და მისი მმართველი პარტიის წარმომადგენლები ბრალდებულნი არიან ასეთ უმძიმეს ბრალდებაში, როგორიც არის რუსეთის - საქართველოს მტრის დახმარება. ამავდროულად უნდა გვესმოდეს, რომ ერთადერთი საშუალება ახლა იმისათვის, რომ ქართველმა ხალხმა ჩამოირეცხოს ეს ლაქა, რომელსაც სამწუხაროდ, საქართველოს და ქართველ ხალხს ადებს ივანიშვილი, მისი „კლანი“ და ამ შემთხვევაში ოთარ ფარცხალაძე, არის სწორედ ივანიშვილის და მისი „კლანის“, მათ შორის ოთარ ფარცხალაძის ჩამოცილება ხელისუფლებიდან. „ერთიანი ნაციონალური მოძრაობა“ არის სწორედ ის პოლიტიკური ძალა, რომელიც ამ ყველაფერს აუცილებლად მიაღწევს, რომ საქართველომ გააგრძელოს ევროპისკენ და ევროატლანტიკური გზისკენ სვლა“, - განაცხადა ზურაბ ჭიაბერაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024