ვიდეო-ელექტრონული კურსი მათთვის, ვისაც გენდერული თანასწორობის და ქალთა უფლებების საკითხებით არის დაინტერესებული

ევროკავშირის, შვედეთისა და ავსტრიის თანადაფინანსებით, პროექტ GRETA-ს ფარგლებში, შეიქმნა ვიდეო-ელექტრონული კურსი, რომელიც მიმოიხილავს ქალთა უფლებებსა და გენდერულ თანასწორობასთან დაკავშირებულ მნიშვნელოვან საკითხებს.

სამწუხაროდ, საზოგადოებაში დღესაც არსებობს გენდერულ როლებთან დაკავშირებული სტერეოტიპები, ასევე ხშირია ადრეულ ასაკში ქორწინება, ქალებსა და გოგონებზე ძალადობა, ამასთან ერთად, საკმაოდ იშვიათია ქალების ჩართულობა გადაწყვეტილების მიმღებ პოზიციებზე. სწორედ ამიტომ, ამ ინიციატივის განხორციელება მნიშვნელოვანი იყო გენდერულ სტერეოტიპებსა და საზოგადოებაში არსებულ პრობლემებზე ხმამაღლა სასაუბროდ.

ინიციატივის ფარგლებში შეიქმნა 17 ვიდეოგაკვეთილი, რის მეშვეობითაც საზოგადოებას საშუალება ჰქონდა მიეღო ინფორმაცია შემდეგ თემებზე:

  • სქესი და გენდერი
  • გენდერული უთანასწორობის ძირითადი საკითხები
  • ქალთა ძირითადი უფლებები დღეს
  • საზოგადოებაში არსებული სტერეოტიპები
  • ადრეულ ასაკში ქორწინება
  • ოჯახში ძალადობა
  • სექსუალური შევიწროება

ვიდეოგაკვეთილების მოსმენის შედეგად, მსმენელი გაიუმჯობესებს ცოდნას ძალადობის შემთხვევებზე ეფექტური რეაგირების კუთხით და ასევე, შეიმეცნებს, რა აუცილებელი პირობა უნდა არსებობდეს გენდერულ-ინკლუზიური გარემოს ჩამოყალიბებისთვის.

ინიციატივის ფარგლებში მომზადებული ვიდეოგაკვეთილები შეგიძლიათ იხილოთ ამ ბმულზე.

***

პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტოს მიერ ხორციელდება. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა. მეტი ინფორმაცია პროექტის შესახებ: www.gretaproject.ge

ეს მასალა მომზადებულია ევროკავშირის, შვედეთის და ავსტრიის თანადაფინანსებით, პროექტ GRETA-ს ფარგლებში. მის შინაარსზე სრულად პასუხისმგებელია ვიდეო-ელექტრონული კურსის ავტორი და შესაძლოა, რომ იგი არ გამოხატავდეს ევროკავშირის, შვედეთის და ავსტრიის შეხედულებებს.

(R)

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024