შალვა პაპუაშვილი - სამარცხვინო საქციელია, რომ სააკაშვილმა ბიუჯეტის ფულით პერსონალური სამედიცინო მომსახურებით, საკუთარი შვილის სკოლის ფულის ბიუჯეტიდან გადახდით და პირადი მიზნით სახელმწიფო თვითმფრინავით ისარგებლა

პარლამენტის თავმჯდომარის შალვა პაპუაშვილის განცხადებით, სამარცხვინო საქციელია, რომ საქართველოს მესამე პრეზიდენტმა, მიხეილ სააკაშვილმა ბიუჯეტის ფულით პერსონალური სამედიცინო მომსახურებით, საკუთარი შვილის სკოლის ფულის ბიუჯეტიდან გადახდით და პირადი მიზნით სახელმწიფო თვითმფრინავით ისარგებლა.

როგორც მან ჟურნალისტებს განუცხადა, პოლიტიკური კორუფციით ერთმანეთთან დაკავშირებული სხვადასხვა პოლიტიკური ჯგუფი ცდილობს, მიხეილ სააკაშვილი რამენაირად ციხიდან გამოიხსნას.

„ფაქტობრივად, რთული იყო წარმოგვედგინა, რა შეიძლება გაგვეგო ბიუჯეტის ხარჯზე სააკაშვილის ფუფუნებისკენ მიდრეკილი ცხოვრების შესახებ მას შემდეგ, რაც აქამდე მოსმენილი გვქონდა, დაწყებული პერსონალური სამედიცინო მომსახურებით, გაგრძელებული საკუთარი შვილის სკოლის ფულის ბიუჯეტიდან გადახდით, რაც რა თქმა უნდა, სამარცხვინო საქციელია. ამის შემდეგ კიდევ დამატებით რა შეიძლება გაგვეგო?! ეს ინფორმაცია ყველასთვის სიურპრიზი იყო აღმოჩნდა, აქამდე ცნობილი არ იყო, როგორ იყენებდა ის სახელმწიფო თვითმფრინავს, ბიუჯეტის ფულს იმისთვის, რომ პირადი ტურისტული მოგზაურობები მოეწყო ვიღაცების საფლავზე თუ ღირსშესანიშნავ ადგილებში. ეს ინფორმაცია როცა გახდა ცნობილი, როგორც ჩანს, თავდაცვის სამინისტრო დაინტერესდა, რანაირად ხდებოდა ეს ყველაფერი. აღმოჩნდა, რომ არსებობს გრიფით „საიდუმლო“ დოკუმენტები, რომელშიც ეს მონაცემები სავარაუდოდ არის აღწერილი. შესაბამისად, როგორც ვიცი, თავდაცვის სამინისტრომ მიიღო გადაწყვეტილება, ამ გრიფით საიდუმლოს მოხსნასთან დაკავშირებით და საზოგადოება გაიგებს, რასთან ჰქონდა საქმე. ეს „დემოკრატიის შუქურა“, რომელსაც გარედან პოლიტიკური კორუფციით ერთმანეთთან დაკავშირებული სხვადასხვა პოლიტიკური ჯგუფი და ქსელი ცდილობს, რომ რამენაირად ციხიდან გამოიხსნას, შევხედავთ, ეს ფუფუნების მოყვარული ადამიანი კიდევ რით იყო დაკავებული ჩვენი ხალხის ფულის ხარჯზე“, - განაცხადა პაპუაშვილმა.

ცნობისთვის, თავდაცვის სამინისტრომ საქართველოს ყოფილი პრეზიდენტის, მიხეილ სააკაშვილის, საჰაერო ხომალდებით მგზავრობასთან დაკავშირებით დადებული ხელშეკრულებების განსაიდუმლოების პროცესი დაიწყო. როგორც უწყების მიერ გავრცელებულ განცხადებაშია აღნიშნული, მოცემული განსაიდუმლოება შეეხება 2010, 2011 და 2012 წლებში თავდაცვის სამინისტროსა და შპს „ჯორჯიან ეარვეისს“ შორის დადებულ ხელშეკრულებებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024