თამარ კორძაია - ყველა ადამიანი, ვინც დასანქცირდა, ბიძინა ივანიშვილის გარემოცვის წევრია - თუ ამას ხელისუფლების მხრიდან გონივრული ნაბიჯები არ მოჰყვა, სანქცირებულთა წრე გაფართოვდება

ოპოზიციონერი დეპუტატი, თამარ კორძაია არ გამორიცხავს, რომ ყოფილი მთავარ პროკურორის, ოთარ-ფარცხალაძის წინააღმდეგ სანქციების დაწესების შემდეგ, სანქცირებულთა სია გაფართოვდეს.

როგორც მან ჟურნალისტებს განუცხადა, ოთარ ფარცხალაძე ხელისუფლებას ზურგს უმაგრებდა, ამიტომ, საქართველოს გენერალური პროკურორი ხმას არ იღებს.

„როდესაც პრემიერ-მინისტრი მთელ საქართველოს აჩვენებს, რომ მისთვის არც კონსტიტუცია, არც კანონი, არც ანტიკორუფციული ქმედებები არაფერს ნიშნავს. ამასთან დაკავშირებით საქართველოს გენერალური პროკურორი ხმას არ იღებს, რაც პირდაპირ მისი კომპეტენციაა. დაწუნებული ვარ, ფარცხალაძე, რომელიც მათ ზურგს უმაგრებს და ყველაფერს აკეთებს იმისთვის, რომ „ქართული ოცნება“ მყარად იყოს, რა თქმა უნდა, მის წინააღმდეგ გამოძიებას არ დაიწყებენ. არ დაგვავიწყდეს, ფარცხალაძის ფიგურა, რომელიც საავტორო უფლებების სფეროში გამოვლინდა, როგორც ამ ქვეყანაში რუსული ფულის შემომტანი. ეს რა თქმა უნდა, უყურადღებოდ არ დარჩება“,- განაცხადა კორძაიამ.

კითხვაზე, არის თუ არა ოთარ ფარცხალაძის წინააღმდეგ სანქციების დაწესება ერთგვარი ივანიშვილისთვის,რომ მასთანაც სანქციები მოახლებულია, თამარ კორძაიამ უპასუხა, რომ სანქციების გაფართოება გამორიცხული არ არის.

„ყველა ადამიანი, ვინც დასანქცირდა, არის ბიძინა ივანიშვილის ხელდასხმული და მისი გარემოცვის წევრი ამა თუ იმ ფორმით. ახლა სანქციები გასცდა უკვე სასამართლო სისტემას, ბუნებრივია, თუ ამას ხელისუფლების მხრიდან გონივრული ნაბიჯები არ მოჰყვა, კიდევ უფრო გაფართოვდება სანქცირებულთა წრე“, - განაცხადა კორძაიამ.

გარდა ამისა, მან მედიასთან პრეზიდენტის წინააღმდეგ იმპიჩმენტის პროცესზეც ისაუბრა და აღნიშნა, რომ მხარს არ დაუჭერს.

„არაერთხელ განვაცხადე, რომ ჩემი ხმა ამ პროცესს არ ექნება. ეს იმ ფორმით მოხდება, ყველა დარწმუნდება, რომ ჩემი ხმა ამ პროცესს არ ექნება“,-განაცხადა კორძაიამ.

ცნობისთვის, აშშ-მა საქართველოს ყოფილ მთავარ პროკურორს, ოთარ-ფარცხალაძეს სანქციები დაუწესა. ამის შესახებ ინფორმაციას აშშ-ის სახაზინო დეპარტამენტის უცხოური აქტივების კონტროლის ოფისი ავრცელებს. მათი ცნობით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდება, რომელთა შორის ოთარ ფარცხალაძეც არის. აშშ-ის სახელმწიფო დეპარტამენტი ოთარ ფარცხალაძეს ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური (“ეფესბე”) მუშაობდა, რათა რუსეთის სასარგებლოდ გავლენა მოეხდინა ქართულ საზოგადოებასა და პოლიტიკაზე.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი